കൊച്ചി: (KVARTHA) മൂന്നാർ യാത്രയ്ക്കിടെ ഒമ്പതു വയസ്സുകാരൻ ഭക്ഷ്യവിഷബാധയേറ്റ് മരിച്ചു. അടൂർ ചൂരക്കുഴ കൊച്ചായത്ത് വീട്ടിൽ വിജയൻ്റെ മകൻ വൈശാഖ് ആണ് ദാരുണമായി മരണപ്പെട്ടത്. 

കുടുംബത്തോടൊപ്പം മൂന്നാറിൽ വിനോദസഞ്ചാരത്തിന് എത്തിയതായിരുന്നു വൈശാഖ്. അവിടെ ഒരു ഹോംസ്റ്റേയിൽ നിന്ന് ഭക്ഷണം കഴിച്ചതിന് ശേഷം വെള്ളിയാഴ്ച സംഘം തിരികെ യാത്ര തുടങ്ങി. യാത്രാമധ്യേ ചിലർക്ക് വയറുവേദന അനുഭവപ്പെട്ടു. 

വൈശാഖിന് രാവിലെ മുതൽ ഛർദ്ദി അനുഭവപ്പെടുകയും രാത്രിയോടെ അവശനാകുകയുമായിരുന്നു. ഉടൻതന്നെ ആംബുലൻസിൽ നേര്യമംഗലത്തെ സ്വകാര്യ ആശുപത്രിയിലും പിന്നീട് കോതമംഗലത്തെ സ്വകാര്യ ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. ഭക്ഷ്യവിഷബാധയാണ് മരണകാരണമെന്ന് കുടുംബം സംശയം പ്രകടിപ്പിച്ചു.

സംഭവത്തിൽ വൈശാഖിൻ്റെ സഹോദരനും കൂടെയുണ്ടായിരുന്ന മറ്റൊരു കുട്ടിയും കോതമംഗലത്തെ ആശുപത്രിയിൽ ചികിത്സയിലാണ്. കോതമംഗലം പൊലീസ് മൂന്നാർ പൊലീസിൽ വിവരം അറിയിച്ചിട്ടുണ്ട്. മരണകാരണം പോസ്റ്റ്‌മോർട്ടത്തിന് ശേഷം മാത്രമേ സ്ഥിരീകരിക്കാൻ കഴിയൂ എന്ന് പൊലീസ് അറിയിച്ചു. സംഭവത്തിൽ അന്വേഷണം ആരംഭിച്ചിട്ടുണ്ട്.

Summary: A nine-year-old boy from Adoor died of suspected food poisoning after a family trip to Munnar. He fell ill after eating at a homestay. His brother and another child are hospitalized, and police have begun an investigation.

 #FoodPoisoning, #Munnar, #KeralaNews, #Tragedy, #PoliceInvestigation, #ChildDeathNews Categories: Local, Crime, Kerala, obituary, news, police, ,