അതിരപ്പിള്ളി: (KVARTHA) അഷ്ടമിച്ചിറ മാരേക്കാട് എ.എം.എൽ.പി. സ്കൂളിലെ അധ്യാപിക ലിപ്‌സിയുടെ (47) മരണത്തിൽ ഞെട്ടിയിരിക്കുകയാണ് നാട്. തിങ്കളാഴ്ച രാവിലെ വീട്ടിൽനിന്ന് ഇറങ്ങിയ ലിപ്‌സിയുടെ മൃതദേഹം ചൊവ്വാഴ്ച വെറ്റിലപ്പാറ പ്ലാന്റേഷൻ ഒന്നാം ബ്ലോക്ക് പാൽ സംഭരണ കേന്ദ്രത്തിന് സമീപം ചാലക്കുടിപ്പുഴയിൽ കണ്ടെത്തുകയായിരുന്നു. മരണത്തിൽ ദുരൂഹതയില്ലെന്നാണ് പോലീസ് അറിയിച്ചിരിക്കുന്നത്. കുറച്ചു ദിവസമായി ചികിത്സയിലായിരുന്ന ലിപ്‌സി അതിനായി അവധിയിലായിരുന്നെന്നും പോലീസ് പറയുന്നു.

ഫോൺവിളിയും തുടർന്നുള്ള ദുരൂഹതയും

കൊടുങ്ങല്ലൂർ സ്വദേശിയായ ചക്കുങ്ങൽ രാജീവ്കുമാറിന്റെ ഭാര്യയാണ് ലിപ്‌സി. തിങ്കളാഴ്ച രാവിലെ വീട്ടിൽനിന്ന് പോയതിനുശേഷം, 'പട്ടുപാവാട തയ്ക്കാൻ അമ്മ സാരി വാങ്ങിയിട്ടുണ്ട്, എത്താൻ അൽപം വൈകും' എന്ന് മകളെ ഫോണിൽ വിളിച്ച് പറഞ്ഞിരുന്നു. എന്നാൽ പിന്നീട് ഫോൺ വിളിച്ചിട്ട് എടുത്തില്ല. വൈകിട്ടും തിരിച്ചെത്താതിരുന്നതോടെ രാജീവ് കൊടുങ്ങല്ലൂർ പോലീസ് സ്റ്റേഷനിൽ പരാതി നൽകി. പോലീസിന്റെ അന്വേഷണത്തിൽ മൊബൈൽ ഫോൺ ലൊക്കേഷൻ അതിരപ്പിള്ളി ഭാഗത്താണെന്ന് കണ്ടെത്തി.

പിള്ളപ്പാറ റിസോർട്ട് പരിസരത്ത് ലിപ്‌സിയുടെ സ്കൂട്ടർ കണ്ടതിനെത്തുടർന്ന് നടത്തിയ പരിശോധനയിലാണ് പുഴയിൽനിന്ന് മൃതദേഹം കണ്ടെത്തിയത്. അഴീക്കോട് മേനോൻ ബസാർ ഉർക്കോലിൽ ശ്രീധരന്റെയും പങ്കജത്തിന്റെയും മകളാണ് ലിപ്‌സി. ഋതുവാണ് മകൾ.

ശ്രദ്ധിക്കുക: സ്വയം ജീവനൊടുക്കുന്നത് ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. ടോൾ ഫ്രീ ഹെൽപ് ലൈൻ നമ്പർ: 1056, 0471-2552056
 

മാനസികാരോഗ്യ പ്രശ്‌നങ്ങൾ അനുഭവിക്കുന്നവർക്ക് നമ്മുക്ക് എങ്ങനെ പിന്തുണ നൽകാൻ കഴിയും? നിങ്ങളുടെ അഭിപ്രായം പങ്കുവെയ്ക്കൂ.

Article Summary: A teacher, Lipcy, was found dead in the Chalakudy river after she went missing. Police do not suspect foul play.

#Kerala #ChalakudyRiver #Tragedy #Teacher #Death #Thrissur