റോഡ് മുറിച്ചു കടക്കുന്നതിനിടെ ബൈക്കിടിച്ച് പരിക്കേറ്റ യുവാവ് മരിച്ചു

തളിപ്പറമ്പ്: (KVARTHA) റോഡ് മുറിച്ചു കടക്കുന്നതിനിടെ ബുള്ളറ്റ് ബൈക്കിടിച്ച് ഗുരുതരമായി പരിക്കേറ്റ യുവാവ് ചികിത്സയിലിരിക്കെ മരിച്ചു. പെരിങ്ങത്തൂർ പുല്ലൂക്കര സ്വദേശി ചന്ദനപ്പുറത്ത് സലീമാണ് പരിയാരത്തെ കണ്ണൂർ മെഡിക്കൽ കോളേജ് അതിതീവ്ര പരിചരണ വിഭാഗത്തിൽ ചികിത്സയിലിരിക്കെ മരിച്ചത്.

ചൊവ്വാഴ്ച രാത്രി പാപ്പിനിശേരി-പിലാത്തറ കെ.എസ്.ടി.പി. റോഡിലായിരുന്നു അപകടം. കുടുംബസമേതം ഒരു ചടങ്ങിൽ പങ്കെടുത്ത് മടങ്ങവേ ഭക്ഷണം കഴിക്കാനായി വാഹനം നിർത്തിയ ശേഷം റോഡ് മുറിച്ചു കടക്കുമ്പോഴാണ് സലീമിനെ അമിത വേഗതയിലെത്തിയ ബൈക്ക് ഇടിച്ചുതെറിപ്പിച്ചത്. അപകടം നടന്ന ഉടൻ തന്നെ നാട്ടുകാരും ബന്ധുക്കളും ചേർന്ന് അദ്ദേഹത്തെ ആശുപത്രിയിലെത്തിച്ചു.

ബൈക്ക് ഡ്രൈവർ അപകടശേഷം വാഹനം നിർത്താതെ പോയെങ്കിലും പോലീസ് പിറ്റേന്ന് തന്നെ ബൈക്കിന്റെ ഉടമയെ പിടികൂടിയിരുന്നു. ഇയാൾക്കെതിരെ മനപ്പൂർവ്വമല്ലാത്ത നരഹത്യയ്ക്ക് കേസെടുത്തിട്ടുണ്ട്.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെയ്ക്കൂ, നിങ്ങളുടെ സുഹൃത്തുക്കളുമായി ഇത് ഷെയർ ചെയ്യൂ.

Article Summary: Man dies after being hit by a speeding bike while crossing road.

#RoadAccident #KeralaNews #Death #BikerAccident #Thaliparamba #TrafficSafety