സോള്‍: (KAVRTHA) 'ലിസന്‍ ടു മൈ ഹാര്‍ട്ട്', 'ദ് ക്വീന്‍സ് ക്ലാസ് റൂം', 'ഹായ്! സ്‌കൂള്‍-ലവ് ഓണ്‍' തുടങ്ങിയ കെ-ഡ്രാമകളിലെ ശ്രദ്ധേയ വേഷങ്ങളിലൂടെ പ്രശസ്തയായ ദക്ഷിണ കൊറിയന്‍ നടി കിം സെയ് റോണിനെ വീട്ടില്‍ മരിച്ച നിലയില്‍ കണ്ടെത്തി. 24 വയസായിരുന്നു. കിമ്മിന്റെ സഹപ്രവര്‍ത്തകരും സുഹൃത്തുക്കളും ആരാധകരും സമൂഹമാധ്യമങ്ങളില്‍ ദുഃഖവും അനുശോചനവും രേഖപ്പെടുത്തി.

കിമ്മിനെ കാണാന്‍ പോയ ഒരു സുഹൃത്താണ് നടി മരിച്ച് കിടക്കുന്നതായി കണ്ടത്. വീട്ടില്‍ ആരും അതിക്രമിച്ച് കയറിയതിന്റെയോ ശരീരത്തില്‍ മര്‍ദനത്തിന്റെയോ ലക്ഷണമില്ലെന്നും മരണകാരണം കണ്ടെത്താന്‍ അന്വേഷണം പുരോഗമിക്കുകയാണെന്നും പൊലീസ് പറഞ്ഞു. നടിയുടെ അപ്രതീക്ഷിത വിയോഗം രാജ്യത്തെ സിനിമാരംഗത്തെ ഞെട്ടിച്ചെന്ന് 'കൊറിയ ഹെറാള്‍ഡ്' റിപ്പോര്‍ട്ട് ചെയ്തു. 

2022 മേയില്‍ സോളില്‍ മദ്യപിച്ച് കിം വാഹനമോടിച്ചത് വലിയ ചര്‍ച്ചയായിരുന്നു. കേസായതോടെ കിം പരസ്യമായി മാപ്പ് പറഞ്ഞു. തുടര്‍ന്ന് അഭിനയവും നിര്‍ത്തി. സാമ്പത്തികപ്രയാസം മറികടക്കാന്‍ പാര്‍ട് ടൈം ജോലികള്‍ ചെയ്തിരുന്നു. 2024 മേയില്‍ നാടകത്തിലൂടെ അഭിനയത്തിലേക്ക് തിരിച്ചുവരാന്‍ ശ്രമിച്ചെങ്കിലും ആരോഗ്യപ്രശ്‌നങ്ങള്‍ കാരണം ഉപേക്ഷിച്ചു. 

2000 ജൂലൈ 31ന് ജനിച്ച കിം ഒന്‍പതാം വയസ്സില്‍ അഭിനയിക്കാന്‍ തുടങ്ങി. 2009 ലെ ദക്ഷിണ കൊറിയന്‍ ചിത്രമായ 'എ ബ്രാന്‍ഡ് ന്യൂ ലൈഫ്' എന്ന ചിത്രത്തിലൂടെയാണ് അരങ്ങേറ്റം കുറിച്ചത്, അത് ആ വര്‍ഷം കാന്‍സ് ഫിലിം ഫെസ്റ്റിവലില്‍ പ്രദര്‍ശിപ്പിച്ചു. 'ദ് മാന്‍ ഫ്രം നോവെര്‍' (2010) ചിത്രത്തിലെ അഭിനയത്തിലൂടെയും കയ്യടി നേടി. 'എ ഗേള്‍ അറ്റ് മൈ ഡോര്‍' (2014), 'സീക്രട്ട് ഹീലര്‍' (2016) എന്നീ ടെലിവിഷന്‍ പരമ്പരകളിലും പ്രധാന വേഷങ്ങള്‍ കൈകാര്യം ചെയ്തു.

2017 ഡിസംബര്‍ 1 ന് കിം സെയ്-റോണ്‍ മിനെറ്റ് ഏഷ്യന്‍ മ്യൂസിക് അവാര്‍ഡുകളില്‍ പങ്കെടുത്തു. അടുത്ത വര്‍ഷം, കിം 'ദി മാന്‍ ഫ്രം നോവെര്‍' എന്ന സിനിമയില്‍ അഭിനയിച്ചു. ബോക്‌സ് ഓഫീസ് മോജോ പ്രകാരം, 'ഇന്‍സെപ്ഷന്‍', 'അയണ്‍ മാന്‍ 2' എന്നിവയെ മറികടന്ന്, 2010-ല്‍ ദക്ഷിണ കൊറിയയില്‍ ഏറ്റവും കൂടുതല്‍ കളക്ഷന്‍ നേടിയ ചിത്രമായി ഈ ആക്ഷന്‍-ത്രില്ലര്‍ മാറി. 2023ലെ 'ബ്ലഡ്ഹൗണ്ട്‌സ്' ആണ് കിമ്മിന്റെ അവസാന ചിത്രം.

ഈ ദുഃഖകരമായ വാർത്തയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

South Korean actress Kim Sae-ron, known for her roles in popular K-dramas, has been found dead at her home at the age of 24. Her sudden death has shocked the Korean entertainment industry.

#KimSaeRon, #KDrama, #KoreanActress, #RIP, #SouthKorea, #Tragedy