ഷാർജയിൽ വാഹനാപകടം: കണ്ണൂർ സ്വദേശിയായ യുവാവ് മരിച്ചു

കണ്ണൂർ: (KVARTHA) ഷാർജയിലുണ്ടായ വാഹനാപകടത്തിൽ പരിക്കേറ്റ് കണ്ണൂർ അഞ്ചരക്കണ്ടി കാവിൻമൂല ഉച്ചുളിക്കുന്ന് സ്വദേശിയായ യുവാവ് മരിച്ചു. മനോജ് ചന്ദ്രമ്പേത്ത് (39) ആണ് മരിച്ചത്. ഷാർജ നാഷണൽ പെയിന്റ് കമ്പനിയിലെ ജീവനക്കാരനായിരുന്നു അദ്ദേഹം.

ഡിസംബർ 28-ന് രാത്രി ജോലി കഴിഞ്ഞ് നടക്കാനിറങ്ങിയ മനോജിനെ നിയന്ത്രണം വിട്ട വാഹനം ഇടിച്ച് തെറിപ്പിക്കുകയായിരുന്നു. ഗുരുതരമായി പരിക്കേറ്റ മനോജിനെ ഉടൻ തന്നെ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. ഇതേ അപകടത്തിൽ പത്തനംതിട്ട സ്വദേശിയായ അഭീഷ് ഡാനിയേലും മരിച്ചിരുന്നു.

അഞ്ചരക്കണ്ടി ഫാർമേഴ്സ് കോ-ഓപ്പറേറ്റീവ് ബാങ്ക് മുൻ ഡയറക്ടർ അടുങ്കുടി രാഘവന്റെയും പരേതയായ ശൈലജയുടെയും മകനാണ് മനോജ്. സഹോദരങ്ങൾ: രാകേഷ് (ദുബൈ), മനീഷ. 

മൃതദേഹം വെള്ളിയാഴ്ച വൈകിട്ട് വീട്ടിലെത്തിക്കും. തുടർന്ന് ആറ് മണിക്ക് അഞ്ചരക്കണ്ടി പഞ്ചായത്ത് പൊതു ശ്മശാനത്തിൽ സംസ്കാരം നടത്തും.

ഈ വാർത്ത ഷെയർ ചെയ്യുക. 

Article Summary: Manoj Chandrambeth, a 39-year-old native of Kannur, died in a tragic road accident in Sharjah.

#SharjahAccident #KannurNews #ExpatDeath #UAE #KeralaNews #Anjarakkandy