കണ്ണൂർ കുറുവയിൽ കാറും പിക്കപ്പും കൂട്ടിയിടിച്ച് അധ്യാപിക മരിച്ചു

കണ്ണൂർ: (KVARTHA) സിറ്റി കുറുവയിൽ പിക്കപ്പും കാറും കൂട്ടിയിടിച്ച് വയനാട് പിണങ്ങോട് സ്വദേശിനിയായ അധ്യാപിക മരിച്ചു. ചോലപുറം വീട്ടിയേരി വീട്ടിൽ ശ്രീനിത (32) ആണ് ചാലയിലെ സ്വകാര്യ ആശുപത്രിയിൽ ചികിത്സയിലിരിക്കെ മരിച്ചത്. പരിക്കേറ്റ ഭർത്താവ് ജിജിലേഷ്, മക്കളായ ആരാധ്യ, ആത്മിക എന്നിവർ അപകടനില തരണം ചെയ്തു.

ഞായറാഴ്ച വൈകുന്നേരം കുറുവ പള്ളിക്ക് സമീപമാണ് അപകടമുണ്ടായത്. കൽപ്പറ്റ എൻഎസ്എസ് ഹയർ സെക്കൻഡറി സ്കൂൾ ഐ.ടി. അധ്യാപികയാണ് മരിച്ച ശ്രീനിത. ശ്രീനിതയും കുടുംബവും സഞ്ചരിച്ച കെ.എൽ. 56 ടി 1369 നമ്പർ കാർ കണ്ണൂരിൽ നിന്ന് കുറുവ ഭാഗത്തേക്ക് പോവുകയായിരുന്നു. ഈ സമയം എതിർദിശയിൽ നിന്നെത്തിയ കെ.എൽ. 11 സി.ബി. 3390 നമ്പർ പിക്കപ്പ് ജീപ്പ് കാറിനെ ഇടിച്ചുതെറിപ്പിക്കുകയായിരുന്നു.

പരിക്കേറ്റവരെ ഉടൻതന്നെ ചാലയിലെ സ്വകാര്യ ആശുപത്രിയിൽ എത്തിച്ചെങ്കിലും ഗുരുതരമായി പരിക്കേറ്റ ശ്രീനിത പിന്നീട് മരിച്ചു. അപകടത്തിൽ റോഡരികിൽ നിർത്തിയിട്ടിരുന്ന കെ.എൽ. 13 ഡബ്ല്യു 8491 നമ്പർ കാറിനും കേടുപാടുകൾ സംഭവിച്ചു. ശ്രീനിതയുടെ ബന്ധുവിൻ്റെ പരാതിയിൽ കണ്ണൂർ സിറ്റി പോലീസ് പിക്കപ്പ് ഡ്രൈവർക്കെതിരെ കേസെടുത്ത് അന്വേഷണം ആരംഭിച്ചു.

കണ്ണൂരിൽ നടന്ന ഈ ദാരുണമായ അപകടത്തെക്കുറിച്ച് നിങ്ങളുടെ അഭിപ്രായം പങ്കുവെയ്ക്കൂ. ഈ വാർത്ത മറ്റുള്ളവരിലേക്കും ഷെയർ ചെയ്യുക.

Article Summary: Teacher from Wayanad dies in car accident in Kannur.

#KannurAccident #RoadSafety #KeralaNews #Accident #TeacherDeath #Kuruvayil