കണ്ണപുരത്ത് ചരക്ക് ലോറിയിടിച്ച് കാൽനടയാത്രക്കാരൻ മരിച്ചു: ഡ്രൈവർക്കെതിരെ കേസ്

കണ്ണൂർ: (KVARTHA) കണ്ണപുരത്ത് ചരക്ക് ലോറിയിടിച്ച് കാൽനടയാത്രക്കാരൻ മരിച്ചു. കണ്ണപുരം റെയിൽവേ സ്റ്റേഷന് സമീപം മാട വളപ്പിൽ കെ.വി. രാഘവനാണ് (59) മരിച്ചത്. ഞായറാഴ്ച രാവിലെ 7.20-ന് കെ.എസ്.ടി.പി. റോഡിൽ കണ്ണപുരം പഞ്ചായത്ത് ഓഫീസിനു സമീപമാണ് അപകടം നടന്നത്.

ചെറുകുന്ന്-തറ ഭാഗത്തേക്ക് റോഡിന്റെ വക്കിലൂടെ നടന്നുപോവുകയായിരുന്ന രാഘവനെ തമിഴ്നാട് രജിസ്ട്രേഷനുള്ള ലോറി പിന്നിൽ നിന്ന് വന്ന് ഇടിക്കുകയായിരുന്നു. 

ഇടിയുടെ ആഘാതത്തിൽ സംഭവസ്ഥലത്തു വെച്ച് തന്നെ രാഘവൻ മരിച്ചു. അപകടകാരണം ലോറി ഡ്രൈവർ ഉറങ്ങിപ്പോയതാകാമെന്നാണ് പോലീസിൻ്റെ പ്രാഥമിക അന്വേഷണ റിപ്പോർട്ട്.

കണ്ണപുരം പോലീസ് ലോറി ഡ്രൈവർക്കെതിരെ കേസെടുത്ത് അന്വേഷണം ആരംഭിച്ചു. മൃതദേഹം ഇൻക്വസ്റ്റ് നടപടികൾക്ക് ശേഷം പരിയാരത്തെ കണ്ണൂർ മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.

റോഡപകടങ്ങൾ ഒഴിവാക്കാൻ എന്ത് ചെയ്യണം? നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: Pedestrian killed by a lorry in Kannapuram, Kannur.

#Kannapuram #RoadAccident #Kannur #FatalAccident #Crime #Kerala