കോഴിക്കോട്: (KVARTHA) വലിയങ്ങാടിയിൽ കോൺക്രീറ്റ് സ്ലാബ് തകർന്നുവീണ് മൂന്ന് തൊഴിലാളികൾക്ക് ദാരുണാന്ത്യം. ജബ്ബാർ, അഷ്റഫ്, ബഷീർ എന്നീ ലോഡിങ് തൊഴിലാളികളാണ് മരിച്ചത്. മരിച്ചവരിൽ ഒരാളായ ജബ്ബാർ കിനാശ്ശേരി സ്വദേശിയാണ്. തിങ്കളാഴ്ച (23.02.2026) നടന്ന അപകടത്തിൽ പരിക്കേറ്റ മറ്റ് രണ്ട് പേരുടെ നില ഗുരുതരമല്ല.

തകർന്നത് പഴയ പാസ്പോർട്ട് ഓഫീസ്

ബീച്ചിലെ പഴയ പാസ്പോർട്ട് ഓഫീസിന്റെ കെട്ടിട ഭാഗങ്ങളാണ് തകർന്നുവീണത്. നിലവിൽ തൊട്ടടുത്തുള്ള സ്ഥാപനത്തിന്റെ ഗോഡൗണായി പ്രവർത്തിച്ചു വരികയായിരുന്നു ഈ കെട്ടിടം. ഇവിടേക്കുള്ള സാധനങ്ങൾ ഇറക്കിയ ശേഷം ഷട്ടറിനോട് ചേർന്നുള്ള തറയിൽ തൊഴിലാളികൾ വിശ്രമിക്കുകയായിരുന്നു. ഈ സമയത്താണ് കെട്ടിടത്തിന്റെ സ്ലാബ് വലിയ ശബ്ദത്തോടെ ഇവരുടെ മുകളിലേക്ക് തകർന്നു വീണത്. കെട്ടിടത്തിന്റെ കാലപ്പഴക്കമാണ് അപകടകാരണമെന്ന് ദൃക്സാക്ഷികൾ പറയുന്നു.

രണ്ട് പേർ ഓടി രക്ഷപ്പെട്ടു

അപകടം നടക്കുമ്പോൾ ആകെ ഏഴു തൊഴിലാളികളാണ് സ്ഥലത്ത് ഉണ്ടായിരുന്നത്. കെട്ടിടം തകർന്നുവീഴുന്നതിനിടെ ഇതിൽ രണ്ട് പേർക്ക് ഓടി മാറാൻ സാധിച്ചു. എന്നാൽ ബാക്കി 5 പേരുടെ മുകളിലേക്ക് സ്ലാബ് പതിക്കുകയായിരുന്നു. ശബ്ദം കേട്ട് ഓടിക്കൂടിയവരും ഫയർഫോഴ്സും ചേർന്നാണ് കെട്ടിടാവശിഷ്ടങ്ങൾക്കിടയിൽ കുടുങ്ങിയ അഞ്ച് പേരെയും രക്ഷപ്പെടുത്തി ആശുപത്രിയിലേക്ക് മാറ്റിയത്. എന്നാൽ ഇതിൽ മൂന്ന് പേരുടെ മരണം സ്ഥിരീകരിക്കുകയായിരുന്നു.

ഈ വാർത്ത ഷെയർ ചെയ്ത് നിങ്ങളുടെ അഭിപ്രായം പങ്കുവെക്കൂ.  പ്രാദേശിക വാർത്തകളും അപ്പപ്പോൾ അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യൂ.

Article Summary: Three loading workers—Jabbar, Ashraf, and Basheer—died after a concrete slab of the old passport office building collapsed on them in Valiyangadi, Kozhikode, on Monday. Two others were injured. The workers were resting after unloading goods when the aged structure gave way.

#KozhikodeNews #BuildingCollapse #Accident #Valiyangadi #KeralaNews #WorkersDeath #LocalNews #NewsUpdate