ചെന്നൈ: (KVARTHA) ഇരുചക്ര വാഹനം ഓടിക്കുന്നതിനിടെ അപകടം. മൊബൈല്‍ ഫോണില്‍ ഫോട്ടോ എടുക്കാന്‍ ശ്രമിച്ച യുവാവ് വാഹനം ഇടിച്ച് മരിച്ചതായി പൊലീസ്. ഗുഡുവാഞ്ചേരി (Guduvancheri) സ്വദേശിയും കോളജ് വിദ്യാര്‍ഥിയുമായ വിക്കി (Vicky-19)യാണ് മരിച്ചത്. വണ്ടല്ലൂര്‍-മിഞ്ചൂര്‍ ഔട്ടര്‍ റിങ് റോഡിലാണ് അപകടം നടന്നത്. 

ഹെല്‍മറ്റ് ധരിക്കാതെ വാഹനം ഓടിച്ചുകൊണ്ട്, വിവിധ രീതിയില്‍ ഫോട്ടോ എടുക്കുന്നതിനിടെ നിയന്ത്രണം നഷ്ടപ്പെട്ട് മറ്റൊരു വാഹനവുമായി കൂട്ടിയിടിക്കുകയായിരുന്നുവെന്ന് പൊലീസ് പറഞ്ഞു. ഇടിയുടെ ആഘാതത്തില്‍ വാഹനത്തില്‍നിന്ന് തെറിച്ച വീഴുകയും വിക്കിയുടെ തല സമീപത്തെ വൈദ്യുതി തൂണില്‍ ഇടിക്കുകയുമായിരുന്നു. സംഭവസ്ഥലത്തുതന്നെ മരിച്ചു. മൃതദേഹം ആശുപത്രി മോര്‍ച്ചറിയിലേക്ക് മാറ്റി. 

മേഖലയില്‍ വാഹനാപകടങ്ങള്‍ വര്‍ധിക്കുന്നതായും യുവാക്കള്‍ അലക്ഷ്യമായാണ് വാഹനം ഓടിക്കുന്നതെന്നും പ്രദേശവാസികള്‍ ആരോപിച്ചു.

#selfieaccident #bikeaccident #roadsafety #Bengaluru #youth #donttextanddrive