ഭക്ഷണവിതരണത്തിനിടെ അപകടം: കാറ്ററിംഗ് ജീവനക്കാരൻ മരിച്ചു

പഴയങ്ങാടി: (KVARTHA) മൊറാഴയിൽ ബൈക്ക് സ്കൂട്ടറിന്റെ പിന്നിലിടിച്ച് യുവാവ് മരിച്ചു. അഞ്ചാംപീടിക അപ്പപ്പീടിക പയ്യൻവളപ്പിൽ ഹൗസിൽ അതുൽ (23) ആണ് മരിച്ചത്. ഇടിച്ച ബൈക്കിലുണ്ടായിരുന്ന കല്യാശ്ശേരി കോലത്തുവയൽ സ്വദേശികളായ ശ്രീരാഗ് (23), അമൽ (22) എന്നിവർക്കും പരിക്കേറ്റു. ഗുരുതരമായി പരിക്കേറ്റ ഇരുവരെയും ആശുപത്രിയിൽ പ്രവേശിപ്പിച്ചു.

ഞായറാഴ്ച രാത്രി എട്ടരയോടെ ധർമ്മശാല-ചെറുകുന്ന് റോഡിൽ മൊറാഴ എ.യു.പി. സ്കൂളിന് സമീപത്തെ റോഡിലാണ് അപകടം നടന്നത്. കണ്ണൂർ സർവകലാശാലാ ക്യാമ്പസിന് സമീപത്തെ കാറ്ററിംഗ് സ്ഥാപനത്തിലെ ജീവനക്കാരനായ അതുൽ, സ്കൂട്ടറിൽ ഭക്ഷണവിതരണത്തിനായി പോകുകയായിരുന്നു.

അപകടം നടന്നയുടൻ നാട്ടുകാർ അതുലിനെ പാപ്പിനിശ്ശേരിയിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഇരു വാഹനങ്ങളും കണ്ണപുരത്തേക്കുള്ള യാത്രയിലായിരുന്നു. കല്യാശ്ശേരി അപ്പപ്പീടികയ്ക്ക് സമീപത്തെ പയ്യൻവളപ്പിൽ പുഷ്പന്റെയും ബിന്ദുവിന്റെയും മകനാണ് അതുൽ. അശ്വിൻ സഹോദരനാണ്.

ഈ ദുരന്തവാർത്തയെക്കുറിച്ച് നിങ്ങളുടെ അഭിപ്രായം താഴെ കമൻ്റ് ചെയ്യുക.

Article Summary: Catering worker dies in a road accident in Kannur, Kerala.

#RoadAccident #Kannur #Catering #Kerala #News #BikeAccident