ബെംഗ്ളൂറു: (KVARTHA) പ്രമുഖ ദക്ഷിണേന്ത്യൻ നടി ബി. സരോജാ ദേവി അന്തരിച്ചു. 87 വയസ്സായിരുന്നു. മല്ലേശ്വരത്തുള്ള വസതിയിൽ തിങ്കളാഴ്ച (14.07.2025) രാവിലെയായിരുന്നു അന്ത്യം. 'അഭിനയ സരസ്വതി' എന്നും 'കന്നടത്തിൻ്റെ പൈങ്കിളി' എന്നും വിശേഷിപ്പിക്കപ്പെട്ട വിഖ്യാത അഭിനേത്രിയായിരുന്നു ബി. സരോജാ ദേവി.

ഇരുന്നൂറിലധികം സിനിമകളിൽ അവർ വേഷമിട്ടിട്ടുണ്ട്. എം.ജി.ആറിനൊപ്പം അഭിനയിച്ച 'നാടോടി മന്നൻ' എന്ന ചിത്രം അവരെ പ്രശസ്തിയുടെ കൊടുമുടിയിലെത്തിച്ചു. കന്നഡയിൽ രാജ് കുമാറിനൊപ്പവും തെലുങ്കിൽ എൻ.ടി.ആറിനൊപ്പവും തമിഴിൽ എം.ജി.ആർ., ശിവാജി ഗണേശൻ എന്നിവരോടൊപ്പവും നിരവധി ചിത്രങ്ങളിൽ നായികയായി അഭിനയിച്ചു.

1960-കളിൽ കന്നഡ, തമിഴ്, തെലുങ്ക് സിനിമകളിൽ തിളങ്ങിനിന്ന മുൻനിര നായികയായിരുന്നു അവർ. ഏറ്റവും ഒടുവിൽ അഭിനയിച്ച ചിത്രം പുനീത് രാജ് കുമാർ നായകനായ 'സാർവ ഭൗമ' (2019) ആണ്. രാജ്യം ആജീവനാന്ത നേട്ടങ്ങൾക്കുള്ള പുരസ്‌കാരം നൽകി അവരെ ആദരിച്ചിട്ടുണ്ട്. പദ്മശ്രീ, പത്മഭൂഷൺ എന്നിവയും അവർക്ക് ലഭിച്ചിട്ടുണ്ട്.
 

ഇതിഹാസ നടി ബി. സരോജാ ദേവിയുടെ വിയോഗത്തിൽ നിങ്ങളുടെ അനുശോചനം രേഖപ്പെടുത്തുക. കമന്റ് ചെയ്യുക.

Article Summary: Legendary South Indian actress B Saroja Devi passes away at 87.

#BSarojaDevi #LegendaryActress #SouthIndianCinema #IndianFilm #RIP #FilmLegend