മനുഷ്യ സ്നേഹത്തിന്റെ മഹാകവി അക്കിത്തം അച്യുതന് നമ്പൂതിരി വിടവാങ്ങി
Oct 15, 2020, 09:15 IST
ADVERTISEMENT
തൃശ്ശൂര്: (www.kvartha.com 15.10.2020) ജ്ഞാനപീഠം ജേതാവ് മഹാകവി അക്കിത്തം അച്യുതന് നമ്പൂതിരി (94) അന്തരിച്ചു. വാര്ദ്ധക്യസഹജമായ അസുഖങ്ങളെ തുടര്ന്ന് തൃശൂരിലെ സ്വകാര്യ ആശുപത്രിയില് ചികിത്സയിരിക്കെ വ്യാഴാഴ്ച രാവിലെ 8.10 മണിയോടെയാണ് അന്ത്യം. മനുഷ്യസ്നേഹത്തിന്റെ മഹാഗാഥകളെന്നു വിശേഷിപ്പിക്കാവുന്ന കവിതകളെഴുതിയ അക്കിത്തം ദേശീയപ്രസ്ഥാനത്തിലും യോഗക്ഷേമ സഭയുടെ പ്രവര്ത്തനങ്ങളിലും സജീവമായി പ്രവര്ത്തിച്ചിട്ടുണ്ട്.
കവിത, ചെറുകഥ, നാടകം, വിവര്ത്തനം, ലേഖനസമാഹാരം എന്നിവയുള്പ്പെടെ അന്പതോളം കൃതികള് മനുഷ്യ സ്നേഹത്തിന്റെ മഹാകവി അക്കിത്തത്തിന്റെ സംഭാവനയായി മലയാളത്തിന് ലഭിച്ചിട്ടുണ്ട്. പത്മശ്രീ, കേന്ദ്ര സാഹിത്യ അക്കാദമി അവാര്ഡ്, കേരള സാഹിത്യ അക്കാദമി അവാര്ഡ്, എഴുത്തച്ഛന് പുരസ്കാരം ഉള്പ്പെടെയുള്ള ബഹുമതികള് ലഭിച്ചിട്ടുണ്ട്.
ഭാര്യ: പരേതയായ ശ്രീദേവി അന്തര്ജനം. മക്കള്: പാര്വതി, ഇന്ദിര, വാസുദേവന്, ശ്രീജ, ലീല, നാരായണന്.പ്രശസ്ത ചിത്രകാരന് അക്കിത്തം നാരായണന് സഹോദരനാണ്.
Keywords: News, Kerala, Death, Obituary, Poet, hospital, Treatment, Thrissur, Akkitham Achuthan Namboothiri passes away
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
