Student Died | ഭക്ഷണം തൊണ്ടയില്‍ കുടുങ്ങി 8 വയസുകാരിക്ക് ദാരുണാന്ത്യം

 
4th class girl student died after getting food stuck in throat in Adimali Idukki, 4th Class, Girl, Student, Died, Food Stuck


ശാരീരിക അസ്വസ്ഥത അനുഭവപ്പെട്ടതിനെ തുടര്‍ന്ന് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

പോസ്റ്റുമോര്‍ടം നടപടികള്‍ക്ക് ശേഷം മരണകാരണത്തില്‍ വ്യക്തത ലഭിക്കും. 

ഇടുക്കി: (KVARTHA) അടിമാലിയില്‍ ഭക്ഷണം തൊണ്ടയില്‍ കുടുങ്ങി എട്ട് വയസുകാരി മരിച്ചു. പൊളിഞ്ഞപാലം പള്ളിപ്പറമ്പില്‍ ആന്റണി സോജന്‍ - ജീന ദമ്പതികളുടെ മൂത്ത മകള്‍ മകള്‍ ജോവാനയാണ് മരിച്ചത്. രാത്രി ഭക്ഷണം കഴിക്കവേ തൊണ്ടയില്‍ കുടുങ്ങുകയായിരുന്നു. തിങ്കളാഴ്ച (01.07.2024) പുലര്‍ചെ മൂന്നോടെയാണ് മരണം. 

ശാരീരിക അസ്വസ്ഥത അനുഭവപ്പെട്ടതിനെ തുടര്‍ന്ന് കുട്ടിയെ അടിമാലിയിലെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കൂമ്പന്‍പാറ ഫാത്തിമാ മാതാ ഗേള്‍സ് ഹയര്‍ സെകന്‍ഡറി സ്‌കൂള്‍ നാലാം ക്ലാസ് വിദ്യാര്‍ഥിനിയാണ്.

ഭക്ഷണം കഴിച്ച ശേഷം കുട്ടിക്ക് ഛര്‍ദില്‍ അനുഭവപ്പെടുകയും തുടര്‍ന്ന് കുട്ടിക്ക് ശ്വാസതടസ്സം പോലെ ശാരീരിക അസ്വസ്ഥത അനുഭവപ്പെടുകയായിരുന്നുവെന്നുമാണ് വിവരം. ഛര്‍ദിലിനിടയില്‍ ഭക്ഷണം ശ്വാസനാളത്തില്‍ കുരുങ്ങിയതാകാം മരണത്തിന് ഇടയാക്കിയതെന്നാണ് പ്രാഥമിക നിഗമനം. പോസ്റ്റുമോര്‍ടം നടപടികള്‍ക്ക് ശേഷം മരണകാരണത്തില്‍ വ്യക്തത ലഭിക്കും. മൃതദേഹം ഇടുക്കി മെഡികല്‍ കോളജ് ആശുപത്രിയിലേക്ക് മാറ്റി.
 

ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia