Prime Minister | വടക്കഞ്ചേരി അപകടത്തില് അനുശോചനം രേഖപ്പെടുത്തി പ്രധാനമന്ത്രി; മരിച്ചവരുടെ കുടുംബത്തിന് 2 ലക്ഷം രൂപ സഹായധനം പ്രഖ്യാപിച്ചു
ADVERTISEMENT
ന്യൂഡെല്ഹി: (www.kvartha.com) പാലക്കാട് വടക്കഞ്ചേരിയിലുണ്ടായ അപകടത്തില് അനുശോചനം രേഖപ്പെടുത്തി പ്രധാനമന്ത്രി നരേന്ദ്രമോദി. അതീവ ദുഖം രേഖപ്പെടുത്തിയ പ്രധാനമന്ത്രി മരിച്ചവരുടെ കുടുംബങ്ങള്ക്ക് പ്രധാനമന്ത്രി ദേശീയ ദുരന്ത നിവാരണ ഫന്ഡില്നിന്നും രണ്ട് ലക്ഷം രൂപ വീതവും, പരിക്കേറ്റവര്ക്ക് അന്പതിനായിരം രൂപവീതവും സഹായധനം പ്രഖ്യാപിച്ചു. പരിക്കേറ്റവര് വേഗം സുഖം പ്രാപിക്കാനായി പ്രാര്ഥിക്കുന്നുവെന്നും നരേന്ദ്ര മോദി ട്വീറ്റ് ചെയ്തു.
അപകടത്തില് രാഷ്ട്രപതി ദ്രൗപദി മുര്മുവും അനുശോചിച്ചു. ബസ് അപകടത്തില് ഒമ്പത് പേരാണ് മരിച്ചത്. മരിച്ചവരില് അഞ്ചുപേര് വിദ്യാര്ഥികളും ഒരാള് അധ്യാപകനും മൂന്ന് പേര് കെഎസ്ആര്ടിസി യാത്രക്കാരുമാണ്. പാലക്കാട് അഞ്ചുമൂര്ത്തിമംഗലം കൊല്ലത്തറയില് രാത്രി 11.30 മണിയോടെയിരുന്നു അപകടം.
എറണാകുളം വെട്ടിക്കല് ബസേലിയോസ് വിദ്യാനികേതന് സ്കൂളില് നിന്ന് ബുധനാഴ്ച വൈകിട്ട് കുട്ടികളുമായി വിനോദയാത്രയ്ക്ക് പുറപ്പെട്ട ബസ് രാത്രി കെഎസ്ആര്ടിസി ബസിന്റെ പിന്നിലേക്ക് ഇടിച്ചുകയറി മറിയുകയായിരുന്നു. ഓടിക്കൂടിയ നാട്ടുകാര് ബസ് വെട്ടിപ്പൊളിച്ചാണ് കുട്ടികളെ അടക്കം പുറത്തെടുത്തത്. 40ഓളം പേര്ക്ക് പരിക്കേറ്റു. ടൂറിസ്റ്റ് ബസിന്റെ അമിതവേഗമാണ് അപകടം ഉണ്ടാക്കിയത് എന്നാണ് പ്രാഥമിക നിഗമനം.
Keywords: New Delhi, News, National, Prime Minister, Narendra Modi, Accident, Death, bus, Students, Teacher, Vadakanchery accident: Prime Minister announces Rs 2 lakh to the families of deceased.

