ഉത്തരകാശി: (KVARTHA) മേഘവിസ്ഫോടനമുണ്ടായ ഉത്തരാഖണ്ഡിലെ ഉത്തരകാശിയിൽ മലയാളികളും കുടുങ്ങിയതായി സൂചന. 28 പേരുള്ള ഒരു സംഘമാണ് ഉത്തരാഖണ്ഡിലേക്ക് യാത്ര പോയത്. ഇതിൽ എട്ടു പേർ കേരളത്തിൽനിന്നുള്ളവരും 20 പേർ മുംബൈയിൽ സ്ഥിരതാമസമാക്കിയ മലയാളികളുമാണ്. കൊച്ചി സ്വദേശികളായ നാരായണൻ-ശ്രീദേവി ദമ്പതികളെ ചൊവ്വാഴ്ച (05.08.2025) ഉച്ചമുതൽ ഫോണിൽ ബന്ധപ്പെടാൻ സാധിക്കുന്നില്ലെന്ന് ബന്ധുക്കൾ അറിയിച്ചു.

തിങ്കളാഴ്ച (04.08.2025) രാത്രി 8.30-ഓടെയാണ് ദമ്പതികളെ അവസാനമായി ഫോണിൽ ബന്ധപ്പെട്ടത്. അപ്പോൾ ഹരിദ്വാറിൽ നിന്ന് ഗംഗോത്രിയിലേക്ക് പുറപ്പെടാൻ ഒരുങ്ങുകയാണെന്നാണ് അവർ അറിയിച്ചത്. അതിനുശേഷം അവരുമായി ബന്ധപ്പെടാൻ സാധിച്ചിട്ടില്ല. എന്നാൽ, ഇവർ സുരക്ഷിതരാണെന്ന് മലയാളി സമാജം പ്രവർത്തകർ അറിയിച്ചതായി ബന്ധുവായ അമ്പിളി പറയുന്നു. സംഘത്തിൽ തിരുവനന്തപുരത്ത് നിന്നുള്ളവരും ഉൾപ്പെട്ടിട്ടുണ്ടെന്ന് വിവരമുണ്ട്.
 

പ്രകൃതി ദുരന്തങ്ങളെ നേരിടാൻ യാത്രക്കാർ എന്തു മുൻകരുതലുകൾ എടുക്കണം? നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: Keralites feared trapped in Uttarakhand flash floods. Relatives of the missing couple are concerned.

#Uttarakhand #Kerala #Malayalis #FlashFloods #RescueOperation #Uttarkashi