Killed | 'യുപിയില്‍ ബിജെപി നേതാവിനെ 6 പേര്‍ ചേര്‍ന്ന് തല്ലിക്കൊന്നു'; പ്രതികള്‍ക്കായി പൊലീസ് അന്വേഷണം
Jul 19, 2023, 09:37 IST
ലക്‌നൗ: (www.kvartha.com) ഉത്തര്‍പ്രദേശില്‍ ബിജെപി നേതാവിനെ ആക്രമിച്ച് കൊലപ്പെടുത്തിയെന്ന കേസിലെ പ്രതികള്‍ക്കായി പൊലീസ് അന്വേഷണം ആരംഭിച്ചു. ബിജെപി ബൂത് പ്രസിഡന്റ് ദിനേശ് സിംഗ് (40) ആണ് മരിച്ചത്. സംഗ്രാംപൂര്‍ പ്രദേശത്തെ സാഹ്ജിപൂര്‍ ഗ്രാമത്തില്‍ ചൊവ്വാഴ്ച രാത്രിയാണ് സംഭവം.
പൊലീസ് പറയുന്നത്: സംഗ്രാംപൂര്‍ പൊലീസ് സ്റ്റേഷന്‍ പരിധിയിലെ ധൗരഹര സ്വദേശിയായ ദിനേശ് ബൈകില്‍ വീട്ടിലേക്ക് പോവുകയായിരുന്നു. ബിത്താരിക്ക് സമീപം രണ്ട് ബൈകുകളിലായി എത്തിയ ആറുപേര്‍ ഇയാളെ തടയുകയും ഇരുമ്പ് വടികള്‍ ഉപയോഗിച്ച് ആക്രമിക്കുകയും ചെയ്തു. നിലവിളി കേട്ട് ആളുകള്‍ വരുന്നത് കണ്ട് അക്രമികള്‍ ഓടി രക്ഷപ്പെട്ടു.
ഗുരുതരാവസ്ഥയില്‍ ജില്ലാ ആശുപത്രിയില്‍ എത്തിച്ചെങ്കിലും ചികിത്സയിലിരിക്കെ ദിനേശ് മരിച്ചു. അക്രമികള്‍ക്കായി തിരച്ചില്‍ നടത്തിവരികയാണ്.
Keywords: Lucknow, News, National, BJP, Uttar Pradesh, Uttar Pradesh: BJP booth president killed.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
