കൊവിഡ് 19; തമിഴ്‌നാട്ടില്‍ മൂന്ന് മാധ്യമ പ്രവര്‍ത്തകര്‍ക്ക് രോഗബാധ സ്ഥിരീകരിച്ചു
Apr 20, 2020, 13:15 IST
ADVERTISEMENT
ചെന്നൈ: (www.kvartha.com 20.04.2020) തമിഴ്‌നാട്ടില്‍ ഒരു മാധ്യമ പ്രവര്‍ത്തകന് കൂടി കൊവിഡ് 19 സ്ഥിരീകരിച്ചതോടെ തമിഴ്‌നാട്ടില്‍ രോഗബാധ സ്ഥിരീകരിച്ച മാധ്യമ പ്രവര്‍ത്തകരുടെ എണ്ണം മൂന്നായി. തമിഴ് ചാനലിന്റെ ന്യൂസ് ഡെസ്‌ക്കില്‍ ജോലി ചെയ്തിരുന്ന മാധ്യമ പ്രവര്‍ത്തകനാണ് ഒടുവില്‍ രോഗബാധ സ്ഥിരീകരിച്ചത്. മാധ്യമപ്രവര്‍ത്തകന് കൊവിഡ് സ്ഥിരീകരിച്ചതോടെ ചാനലില്‍ ഡെസ്‌ക്കില്‍ ജോലി ചെയ്തിരുന്ന സഹപ്രവര്‍ത്തകരെ നിരീക്ഷണത്തിലാക്കി.
സംസ്ഥാനത്ത് ഒരു തമിഴ് പത്രത്തിന്റ റിപ്പോര്‍ട്ടര്‍ക്കും വാര്‍ത്താ ചാനലിന്റെ സബ് എഡിറ്റര്‍ക്കുമായിരുന്നു ഞായറാഴ്ച രോഗം സ്ഥിരീകരിച്ചത്. റിപ്പോര്‍ട്ടറെ രാജീവ്ഗാന്ധി ഗവണ്‍മെന്റ് ജനറല്‍ ആശുപത്രിയിലും സബ് എഡിറ്ററെ സ്റ്റാന്‍ലി ആശുപത്രിയിലും പ്രവേശിപ്പിച്ചു. മാധ്യമപ്രവര്‍ത്തകന് പുറമെ ചെന്നൈ കാശിമേട് മത്സ്യ മാര്‍ക്കറ്റിലെ മൂന്ന് ജീവനക്കാര്‍ക്കും ഇന്ന് കൊവിഡ് സ്ഥീരികരിച്ചിട്ടുണ്ട്. തമിഴ്‌നാട്ടില്‍ ഞായറാഴ്ച 105 പേര്‍ക്ക് കൂടി കൊവിഡ് സ്ഥിരീകരിച്ചിരുന്നു.
Keywords: Chennai, News, National, COVID19, Treatment, hospital, Trending, Journalist, Tamil Nadu, Coronavirus, Three journos test positive for coronavirus in Tamil Nadu
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
