ഗുജറാത്തില്‍ വസ്ത്രനിര്‍മാണശാലയില്‍ സ്ഫോടനം; 2 മരണം, 20 പേര്‍ക്ക് പരിക്ക്
● രാസവസ്തുക്കൾ സൂക്ഷിച്ച ഡ്രം പൊട്ടിത്തെറിച്ചു.
● തീ അണയ്ക്കാൻ 10 യൂണിറ്റ് അഗ്നിരക്ഷാസേനയെത്തി.
● സ്ഫോടനത്തിന്റെ യഥാർഥ കാരണം വ്യക്തമല്ല.
സൂറത്ത്: (KVARTHA) ഗുജറാത്തിലെ സൂറത്തിലുള്ള ഒരു വസ്ത്രനിര്‍മാണശാലയിലുണ്ടായ സ്ഫോടനത്തില്‍ രണ്ട് പേര്‍ മരിക്കുകയും 20 പേര്‍ക്ക് പരിക്കേൽക്കുകയും ചെയ്തു. പരിക്കേറ്റവരില്‍ രണ്ട് പേരുടെ നില ഗുരുതരമാണ്. ജൊല്‍വ ഗ്രാമത്തിലെ സന്തോഷ് തുണിമില്ലില്‍ തിങ്കളാഴ്ചയാണ് സ്ഫോടനമുണ്ടായത്.
രാസവസ്തുക്കള്‍ സൂക്ഷിച്ചിരുന്ന ഡ്രം പൊട്ടിത്തെറിച്ചതാണ് അപകടകാരണമെന്ന് സബ് ഡിവിഷണല്‍ മജിസ്‌ട്രേറ്റ് വി.കെ.പിപാലിയ അറിയിച്ചു. എന്നാല്‍, പൊട്ടിത്തെറിയുടെ യഥാര്‍ഥ കാരണം ഇതുവരെ വ്യക്തമായിട്ടില്ല. അഗ്നിരക്ഷാ സേനയുടെ 10 യൂണിറ്റെത്തിയാണ് തീ നിയന്ത്രണവിധേയമാക്കിയത്.
ഇത്തരം അപകടങ്ങൾ ഒഴിവാക്കാൻ എന്തെല്ലാം മുൻകരുതലുകൾ എടുക്കണമെന്ന് നിങ്ങൾ കരുതുന്നു? അഭിപ്രായം കമന്റ് ചെയ്യുക.
Article Summary: Two killed, 20 injured in a factory explosion in Gujarat.
#Gujarat #Surat #Explosion #FactoryFire #Disaster #India
