Supreme Court | നീറ്റ് പിജി കൗണ്‍സിലിങില്‍ ഇടപെടില്ലെന്ന് സുപ്രീംകോടതി
ADVERTISEMENT
ന്യൂഡെല്‍ഹി: (www.kvartha.com) അടുത്ത മാസം ഒന്നിന് നീറ്റ് പിജി കൗണ്‍സിലിങ് തുടങ്ങുന്ന സാഹചര്യത്തില്‍ ഇടപെടാനോ സ്റ്റേ ചെയ്യാനോ ആകില്ലെന്ന് സുപ്രീംകോടതി. ജസ്റ്റിസുമാരായ ഡി വൈ ചന്ദ്രചൂഡും ഹിമ കോഹ്ലിയും അടങ്ങിയ ബെഞ്ചാണ് കൗണ്‍സിലിങില്‍ ഇടപെടില്ലെന്ന കാര്യം വ്യക്തമാക്കിയത്.
കോവിഡിനെ തുടര്‍ന്ന് നിരവധി തടസങ്ങള്‍ ഉണ്ടായെന്നും ഇനിയും വിദ്യാര്‍ഥികളെ അപകടത്തിലാക്കില്ലെന്നും ജസ്റ്റിസ് ചന്ദ്രചൂഡ് പറഞ്ഞു. നീറ്റ് പിജി 2022-ന്റെ ഉത്തരസൂചികയും ചോദ്യപേപറും പുറത്തുവിടാത്ത നാഷനല്‍ ബോര്‍ഡ് ഓഫ് എക്സാമിനേഷന്‍സ് തീരുമാനം ചോദ്യം ചെയ്തുള്ള ഹര്‍ജി ചൂണ്ടിക്കാട്ടിയപ്പോഴാണ് പരാമര്‍ശം. എംബിബിഎസ് കോഴ്‌സ് പൂര്‍ത്തിയാക്കിയ ശേഷം മെഡികല്‍ കൗണ്‍സിലിന് കീഴില്‍ രജിസ്റ്റര്‍ ചെയ്ത ഡോക്ടര്‍മാരാണ് ഹര്‍ജി സമര്‍പിച്ചിരിക്കുന്നത്.
Keywords: New Delhi, News, National, Supreme Court, Examination, Students, Supreme Court refuses to interfere in NEET-PG Counselling matter.
