സഹോദരിമാരെ മാനഭംഗപ്പെടുത്തി; മീററ്റില്‍ വര്‍ഗീയ സംഘര്‍ഷം: പത്ത് പേര്‍ക്ക് പരിക്ക്

മീററ്റ്: (www.kvartha.com 29/01/2015) മീററ്റില്‍ വര്‍ഗീയ സംഘര്‍ഷത്തില്‍ പത്ത് പേര്‍ക്ക് പരിക്ക്. സരൈ ലാല്‍ഡാസ് ഏരിയയിലാണ് സംഘര്‍ഷമുണ്ടായത്. സഹോദരിമാരായ രണ്ട് യുവതികളെ പ്രദേശത്തെ ഒരു സംഘം യുവാക്കള്‍ മാനഭംഗപ്പെടുത്തിയതോടെയാണ് സംഘര്‍ഷം പൊട്ടിപ്പുറപ്പെട്ടത്.

തുടര്‍ന്ന് ഇരു പക്ഷമായി തിരിഞ്ഞ ജനകൂട്ടം പരസ്പരം വെടിവെക്കുകയും കല്ലെറിയുകയും ചെയ്തു. മാനഭംഗത്തിനിരയായ യുവതികള്‍ക്കും അവരുടെ സഹോദരനും അക്രമി സംഘത്തിലുണ്ടായിരുന്ന രണ്ട് യുവാക്കള്‍ക്കും മറ്റ് 5 പേര്‍ക്കും പരിക്കേറ്റിട്ടുണ്ട്.

അര്‍ദ്ധസൈനീക വിഭാഗവും ദ്രുതകര്‍മ്മ സേനയും സ്ഥലത്തെത്തി. സ്ഥിതിഗതികള്‍ നിയന്ത്രണ വിധേയമാണെങ്കിലും സ്ഥലത്ത് സംഘര്‍ഷം നിലനില്‍ക്കുന്നുണ്ട്.

SUMMARY: At least 10 people were injured on Tuesday night as Hindus and Muslims clashed in Meerut's Sarai Laldas area after two sisters were allegedly molested by a group of local youngsters.

Keywords: Uttar Pradesh, Meerut, Hindus, Muslims, Communal clash,