തിരുവനന്തപുരം റെയിൽവേ ഡിവിഷനും വെട്ടിമുറിക്കാൻ നീക്കം; കേരളത്തിന് വൻ തിരിച്ചടിയാകുമെന്ന് ആശങ്ക

തിരുവനന്തപുരം: (KVARTHA) പാലക്കാട് ഡിവിഷൻ വിഭജനത്തിന് പിന്നാലെ തിരുവനന്തപുരം റെയിൽവേ ഡിവിഷനും വെട്ടിമുറിക്കാൻ കേന്ദ്ര സർക്കാരിന്റെ നീക്കം. നാഗർകോവിൽ കേന്ദ്രീകരിച്ച് പുതിയ റെയിൽവേ ഡിവിഷൻ രൂപീകരിക്കുന്നതിനായി തിരുവനന്തപുരം ഡിവിഷൻ വിഭജിക്കാനുള്ള ചർച്ചകൾ സജീവമായി നടന്നുവരുന്നുണ്ട്.

കേരളത്തിന്റെ റെയിൽവേ വികസനത്തെ ദീർഘകാലാടിസ്ഥാനത്തിൽ പ്രതികൂലമായി ബാധിക്കുന്നതാണ് പുതിയ നീക്കം. തമിഴ്നാട്ടിൽ നിന്നുള്ള ജനപ്രതിനിധികൾ റെയിൽവേ മന്ത്രാലയത്തിൽ നിരന്തരം ഈ ആവശ്യം ഉന്നയിച്ചിരുന്നു.

വിഭജന നീക്കം ഇങ്ങനെ

നാഗർകോവിൽ, കന്യാകുമാരി എന്നീ പ്രധാന റെയിൽവേ സ്റ്റേഷനുകൾക്കൊപ്പം, നേമത്തിനും നാഗർകോവിലിനും ഇടയിലുള്ള കേരളത്തിലെ ചെറിയ റെയിൽവേ സ്റ്റേഷനുകളും തിരുവനന്തപുരത്ത് നിന്ന് വിഭജിച്ച് പുതിയ ഡിവിഷന്റെ ഭാഗമാക്കാനാണ് കേന്ദ്രത്തിന്റെ നീക്കം.

തിരുവനന്തപുരം ഡിവിഷൻ വിഭജിക്കാനുള്ള ചർച്ചകൾക്ക് പിന്നിൽ തമിഴ്‌നാട്ടിലെ ചില രാഷ്ട്രീയ കക്ഷികളുടെ നിരന്തര സമ്മർദമാണെന്നാണ് പുറത്തുവരുന്ന വിവരം. നാഗർകോവിൽ ഡിവിഷൻ രൂപീകരണത്തിലേക്ക് ഉടൻ തന്നെ റെയിൽവേ ബോർഡ് നീങ്ങുമെന്നാണ് സൂചന.

കേരളത്തിന് കനത്ത തിരിച്ചടി

നാഗർകോവിൽ ജംഗ്ഷൻ, നേമം, കന്യാകുമാരി തുടങ്ങിയ പ്രധാന റെയിൽവേ സ്‌റ്റേഷനുകൾ തിരുവനന്തപുരം ഡിവിഷനിൽ നിന്ന് മാറ്റിയാൽ വലിയ തിരിച്ചടിയാകും കേരളം നേരിടേണ്ടി വരിക. വിഭജനം കേരളത്തെ സാമ്പത്തികമായും അടിസ്ഥാന സൗകര്യ വികസനത്തിലും പിന്നോട്ടടിക്കും.

വിഭജനം കേരളത്തെ ബാധിക്കുന്നത് ഇങ്ങനെ:

● കേരളത്തിന്റെ പുതിയ റെയിൽവേ വികസന പദ്ധതികളെ പ്രതികൂലമായി ബാധിക്കും.

● പുതിയ ട്രെയിനുകൾ അനുവദിക്കുന്നതിൽ സംസ്ഥാനം തഴയപ്പെടാൻ സാധ്യത.

● ട്രെയിനുകൾക്ക് അറ്റകുറ്റപ്പണി നടത്തുന്നതിനുള്ള പിറ്റ് ലൈനുകൾ ഉൾപ്പെടെയുള്ള സൗകര്യങ്ങൾ നാഗർകോവിലിലേക്ക് മാറും.

● തിരുവനന്തപുരം ഡിവിഷന്റെ പ്രധാന വരുമാന മാർഗങ്ങളായ കന്യാകുമാരി, നാഗർകോവിൽ സ്റ്റേഷനുകൾ നഷ്ടമാകും.

പാലക്കാട് വിഭജന സമയത്തും സമാനമായ വലിയ ആശങ്ക കേരളം അറിയിച്ചിരുന്നുവെങ്കിലും വിഭജനം നടപ്പിലാക്കുകയായിരുന്നു. 

പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായം ഞങ്ങളുടെ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താനും മറക്കരുത്. കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക് പേജും ഫോളോ ചെയ്യുക. 

Article Summary: Move to bifurcate TVM railway division sparks concern.

#KeralaRailway #ThiruvananthapuramDivision #IndianRailways #KeralaNews #NagercoilDivision #RailwayDevelopment #Trivandrum #AnjanaNews