Blast | ഉത്തര്‍പ്രദേശില്‍ വീട്ടിനുള്ളില്‍ സ്‌ഫോടനം; 3 പേര്‍ക്ക് ദാരുണാന്ത്യം
ADVERTISEMENT
ലക്‌നൗ: (www.kvartha.com) വീട്ടിനുള്ളിലുണ്ടായ സ്‌ഫോടനത്തില്‍ മൂന്നുപേര്‍ക്ക് ദാരുണാന്ത്യം. അഭിഷേക്(20), റായിസ്(40), അഹദ്(5), വിനോദ് എന്നിവരുടെ മൃതദേഹങ്ങളാണ് കണ്ടെത്തിയത്. ഗ്യാസ് സിലിന്‍ഡറാണ് സ്‌ഫോടനത്തിന് കാരണമെന്നാണ് സൂചനയെന്ന് പൊലീസ് അറിയിച്ചു. ഉത്തര്‍പ്രദേശിലെ ബുലന്ദ്ശഹറിലാണ് സംഭവം നടന്നത്.
പ്രദേശത്ത് പൊലീസും ഫയര്‍ഫോഴ്‌സും ഇപ്പോഴും രക്ഷാപ്രവര്‍ത്തനം തുടരുകയാണ്. പ്രദേശവാസികളും രക്ഷാപ്രവര്‍ത്തനത്തില്‍ പൊലീസിനെ സഹായിക്കാനായി രംഗത്തുണ്ട്. സിലിന്‍ഡര്‍ പൊട്ടിതെറിച്ച് വീടുതകര്‍ന്നുവെന്ന ഫോണ്‍കോള്‍ വെള്ളിയാഴ്ച ഉച്ചക്ക് ശേഷമാണ് പൊലീസിന് ലഭിക്കുന്നത്.
കോട്വാലി നഗര്‍ ഏരിയില്‍ നിന്നാണ് ഫോണ്‍കോള്‍ ലഭിച്ചതെന്നും പൊലീസ് വ്യക്തമാക്കി. തകര്‍ന്ന വീട്ടില്‍ നിന്നും ചില സിലിണ്ടറുകള്‍ കണ്ടെത്തിയിട്ടുണ്ട്. ഫോറന്‍സിക് ടീമും സംഭവസ്ഥലത്ത് എത്തിയിട്ടുണ്ട്. കേസില്‍ എല്ലാ വശവും പരിശോധിക്കുമെന്നും പൊലീസ് വ്യക്തമാക്കി.
Keywords: Lucknow, News, National, Death, Police, Blast, Massive blast inside house in UP's Bulandshahr, 4 bodies recovered.
