ന്യൂഡൽഹി: (KVARTHA) മഹാരാഷ്ട്ര, ഝാർഖണ്ഡ് സംസ്ഥാനങ്ങളിലെ നിയമസഭ തെരഞ്ഞെടുപ്പിനുള്ള തയ്യാറെടുപ്പുകൾ സജീവമായി. ഈ രണ്ടു സംസ്ഥാനങ്ങളിലേയും സ്ഥിതി വിലയിരുത്തുന്നതിനും തെരഞ്ഞെടുപ്പ് തീയതി പ്രഖ്യാപിക്കുന്നതിനുമുള്ള നടപടികളുടെ ഭാഗമായി തെരഞ്ഞെടുപ്പ് കമ്മീഷൻ സംസ്ഥാനങ്ങളിൽ തിങ്കളാഴ്ച സന്ദർശനം നടത്തും. 

മുഖ്യ തെരഞ്ഞെടുപ്പ് കമ്മീഷണർ രാജീവ് കുമാറിന്റെ നേതൃത്വത്തിലുള്ള സംഘമാണ് സന്ദർശനം നടത്തുന്നത്. തിങ്കളാഴ്ചയും ചൊവ്വാഴ്ചയും ഝാർഖണ്ഡിലും വെള്ളിയാഴ്ച മഹാരാഷ്ട്രയിലും സംഘം സന്ദർശനം നടത്തും. സംസ്ഥാനങ്ങളിലെ തെരഞ്ഞെടുപ്പ് സന്നാഹങ്ങളും സുരക്ഷാ ക്രമീകരണങ്ങളും സംഘം വിലയിരുത്തും.

ഹരിയാന നിയമസഭ തെരഞ്ഞെടുപ്പ് പൂർത്തിയായ ശേഷം മഹാരാഷ്ട്ര, ഝാർഖണ്ഡ് സംസ്ഥാനങ്ങളിലെ തെരഞ്ഞെടുപ്പ് തീയതി പ്രഖ്യാപിക്കും. ഹരിയാനയിൽ ഒക്ടോബർ അഞ്ചിനാണ് വോട്ടെടുപ്പ്. അതേസമയം ജമ്മു കശ്മീരില്‍ ഘട്ടങ്ങളായി തെരഞ്ഞെടുപ്പ് നടക്കുന്നുണ്ട്. മഹാരാഷ്ട്ര നിയമസഭയുടെ കാലാവധി നവംബർ 26നും ഝാർഖണ്ഡ് നിയമസഭയുടെ കാലാവധി ജനുവരിഅഞ്ചിനും അവസാനിക്കും.

#Elections #Maharashtra #Jharkhand #ElectionCommission #RajivKumar #Voting