Accident | കര്‍ണാടകയില്‍ കാര്‍ മരത്തിലിടിച്ച് മലയാളി വിദ്യാര്‍ഥിക്ക് ദാരുണാന്ത്യം; 5 പേര്‍ക്ക് പരിക്ക്
ADVERTISEMENT
മേലാറ്റൂര്‍: (www.kvartha.com) കര്‍ണാടകയില്‍ കാര്‍ മരത്തിലിടിച്ച് മലയാളി വിദ്യാര്‍ഥിക്ക് ദാരുണാന്ത്യം. എടപ്പറ്റ പാതിരിക്കോട് പാറൊക്കോട്ടില്‍ സഹദേവന്റെയും ശ്രീനിലയം മാലതിയുടെയും മകന്‍ വൈഷ്ണവ് (വിച്ചു-17) ആണ് മരിച്ചത്. ഉഡുപ്പിയിലെ കാര്‍ക്കളയില്‍ തിങ്കളാഴ്ച രാവിലെ അഞ്ച് മണിയോടെയാണ് അപകടം.
ബെംഗ്‌ളൂറില്‍ നിന്ന് മംഗ്‌ളൂറിലെ വീട്ടിലേക്ക് വരുകയായിരുന്ന വൈഷ്ണവ് സഞ്ചരിച്ച കാര്‍ മരത്തിലിടിച്ച് മറിയുകയായിരുന്നു. കൂടെയുണ്ടായിരുന്ന അഞ്ചുപേര്‍ പരിക്കുകളോടെ ആശുപത്രിയില്‍ ചികിത്സയിലാണ്. പ്ലസ് വണ്‍ വിദ്യാര്‍ഥിയാണ് വൈഷ്ണവ്. സഹോദരങ്ങള്‍: വൈശാഖ് (ബെംഗ്‌ളൂറു വിമാനത്താവളം), വൈഭവ് (നഴ്‌സിങ് വിദ്യാര്‍ഥി, മംഗ്‌ളൂറു).
Keywords: News, National, Death, Accident, Injured, Treatment, hospital, Karnataka: Malayali student died in road accident.
