SWISS-TOWER 24/07/2023

കര്‍ണാടക ഉപതിരഞ്ഞെടുപ്പില്‍ കോണ്‍ഗ്രസിന് ജയം

 


ബാംഗ്ലൂര്‍: കര്‍ണാടകയില്‍ ഉപതിരഞ്ഞെടുപ്പ് നടന്ന രണ്ട് ലോക്‌സഭാ മണ്ഡലങ്ങളിലും കോണ്‍ഗ്രസിന് ജയം. ബി.ജെ.പി, ജെ.ഡി.എസിന് പിന്തുണ പ്രഖ്യാപിച്ചെങ്കിലും ജെ.ഡി.എസ്് സ്ഥാനാര്‍ത്ഥികള്‍ക്ക് ജയിക്കാനായില്ല. ബാംഗ്ലൂര്‍ റൂറല്‍ മണ്ഡലത്തിലേക്ക് നടന്ന തിരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ത്ഥി ഡി.കെ. സുരേഷും മാണ്ഡ്യ മണ്ഡലത്തില്‍ മത്സരിച്ച ചലചിത്ര നടി രമ്യയുമാണ് ജയിച്ചത്.

ജെ.ഡി.എസ് നേതാവ് എച്ച്.ഡി. കുമാരസ്വാമിയുടെ ഭാര്യ അനിത കുമാര സ്വാമിയായിരുന്നു ഡി.കെ സുരേഷിന്റെ എതിര്‍ സ്ഥാനാര്‍ത്ഥി. ജെ.ഡി.എസിന്റെ കൈവശമുണ്ടായിരുന്ന ബാംഗ്ലൂര്‍ റൂറല്‍ മണ്ഡലം ശക്തമായ പോരാട്ടത്തിലൂടെയാണ് കോണ്‍ഗ്രസ് തിരിച്ചുപിടിച്ചത്.

കര്‍ണാടക ഉപതിരഞ്ഞെടുപ്പില്‍ കോണ്‍ഗ്രസിന് ജയംജനതാദള്‍ എസ്. സ്ഥാനാര്‍ത്ഥി സി.എസ് പുട്ടരാജുവായിരുന്നു രമ്യയുടെ എതിരാളി. ഓഗസ്റ്റ് 21 നാണ് രണ്ട് മണ്ഡലങ്ങളിലേക്കും ഉപതിരഞ്ഞെടുപ്പ് നടന്നത്. ബാംഗ്ലൂര്‍ റൂറലില്‍ എ.ച്ച്.ഡി കുമാര സ്വാമിയും, മാണ്ഡ്യയില്‍ ചെലുവരായ സ്വാമിയും രാജിവെച്ചതിനെ തുടര്‍ന്നാണ് ഉപതിരഞ്ഞെടുപ്പ് വേണ്ടിവന്നത്. ബാംഗ്ലൂര്‍ റൂറലില്‍ 51 ശതമാനവും മാണ്ഡ്യയില്‍ 58 ശതമാനവുമായിരുന്നു പോളിംഗ് രേഖപ്പെടുത്തിയിരുന്നത്.

കര്‍ണാടക ഉപതിരഞ്ഞെടുപ്പില്‍ കോണ്‍ഗ്രസിന് ജയം4,79,333 വോട്ടുകളാണ് മാണ്ഡ്യ മണ്ഡലത്തില്‍ നിന്നും രമ്യ നേടിയത്. ജെ.ഡി.എസ് സ്ഥാനാര്‍ത്ഥിക്ക് 4,12,256 വോട്ടുകള്‍ മാത്രമേ നേടാനായുള്ളു. ഡി.കെ സുരേഷ് 5,27,028 വോട്ടുകള്‍ നേടി. എതിര്‍സ്ഥാനാര്‍ത്ഥി അനിത 4,56,648 വോട്ടുകള്‍ നേടി.


Also Read: 
അനുമതി കൂടാതെ പ്രകടനം: 200 ബി.ജെ.പി. പ്രവര്‍ത്തകര്‍ക്കെതിരെ കേസ്
Keywords : Bangalore, Karnataka, By-election, National, Bangalore, DK Suresh, Ramya, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.
Aster mims 04/11/2022
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia