Threat Letter | കന്നഡ സിനിമാതാരം കിച്ച സുദീപിന് ഭീഷണിക്കത്ത് ലഭിച്ചതായി പരാതി; സംഭവം ബിജെപിയില് ചേരുമെന്ന വാര്ത്തകള്ക്കിടെ
Apr 5, 2023, 11:53 IST
ADVERTISEMENT
ബെംഗ്ളൂറു: (www.kvartha.com) കന്നഡ സിനിമാതാരം കിച്ച സുദീപിന് ഭീഷണിക്കത്ത് ലഭിച്ചതായി പരാതി. കര്ണാടക നിയമസഭാ തിരഞ്ഞെടുപ്പിന് മുന്നോടിയായി നടന് ബിജെപിയില് ചേരുമെന്ന വാര്ത്തകള്ക്കിടെയാണ് ഭീഷണിക്കത്ത് ലഭിച്ചതെന്ന് റിപോര്ടുകള് പറയുന്നു.
സുദീപിന്റെ വീട്ടിലേക്കാണ് വധഭീഷണിയുമായി അജ്ഞാതന് കത്തയച്ചിരിക്കുന്നത്. കത്ത് പരിശോധിച്ച പുട്ടനെഹള്ളി പൊലീസ് എഫ്ഐആര് രജിസ്റ്റര് ചെയ്തു. അതേസമയം കര്ണാടക മുഖ്യമന്ത്രി ബസവരാജ് ബൊമ്മയുടെയും മറ്റ് പാര്ടി നേതാക്കളുടെയും സാന്നിധ്യത്തില് കിച്ച സുദീപ് ബിജെപിയില് ചേരുമെന്ന് ദേശീയ മാധ്യമങ്ങള് റിപോര്ട് ചെയ്യുന്നുണ്ട്.
കിച്ച സുദീപിനൊപ്പം കന്നഡ സിനിമയിലെ മറ്റൊരു താരമായ ദര്ശന് തുഗുദീപയും പാര്ടിയിലേക്ക് എത്തുകയാണെന്നും ഇരുവരും വരുന്ന കര്ണാടക തെരഞ്ഞെടുപ്പില് ബിജെപിയുടെ താരപ്രചാരകര് ആവുമെന്നും റിപോര്ടുകളുണ്ട്. ഇതിനായി കന്നഡയിലെ മറ്റു ചില താരങ്ങളുമായും ബിജെപി ചര്ച നടത്തുന്നുണ്ടെന്നാണ് വിവരം.
Keywords: News, National, BJP, Politics, Kannada Star Kiccha Sudeep Receives Threat Letter Amid BJP Joining Buzz.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
