മോഡിയുമായി സഖ്യമുണ്ടാക്കുമെന്ന് പറഞ്ഞ നേതാവിനെ ജയലളിത പുറത്താക്കി

ചെന്നൈ: തിരഞ്ഞെടുപ്പ് ഫലപ്രഖ്യാപനത്തിന് ശേഷം അധികാരത്തിലേറാന്‍ എന്‍.ഡി.എയ്ക്ക് എ.ഐ.എ.ഡി.എം.കെ പിന്തുണ നല്‍കുമെന്ന് സൂചന നല്‍കിയ നേതാവിനെ തമിഴ്‌നാട് മുഖ്യമന്ത്രി ജയലളിത പാര്‍ട്ടിയില്‍ നിന്ന് പുറത്താക്കി. മുതിര്‍ന്ന നേതാവ് കെ മലൈസാമിയെയാണ് ജയലളിത പുറത്താക്കിയത്. വ്യാഴാഴ്ചയാണ് മലൈസാമിയെ പുറത്താക്കിയ വിവരം ജയലളിത വ്യക്തമാക്കിയത്.

രാഷ്ട്രീയപരമായ വിത്യസ്ത നിലപാടുകളാണെങ്കിലും നരേന്ദ്ര മോഡിയും ജയലളിതയും നല്ല സുഹൃത്തുക്കളാണെന്ന് കഴിഞ്ഞ ദിവസം മലൈസാമി വ്യക്തമാക്കിയിരുന്നു.

മോഡി പ്രധാനമന്ത്രിയായാല്‍ ജയലളിത അദ്ദേഹവുമായി സഖ്യമുണ്ടാക്കുമെന്നും മലൈസാമി പറഞ്ഞിരുന്നു. സ്വകാര്യ ചാനലിന് അനുവദിച്ച അഭിമുഖത്തിലാണ് മലൈസാമി തിരഞ്ഞെടുപ്പിന് ശേഷമുണ്ടാകാന്‍ സാധ്യതയുള്ള സഖ്യത്തെക്കുറിച്ച് സൂചന നല്‍കിയത്. എന്നാലിത് ജയലളിതയെ പ്രകോപിപ്പിക്കുകയും പാര്‍ട്ടിയെ അപകീര്‍ത്തിപ്പെടുത്തിയെന്നാരോപിച്ച് അദ്ദേഹത്തെ പുറത്താക്കുകയുമായിരുന്നു.

SUMMARY: Chennai: A day after he indicated that the AIADMK may support the NDA after poll results are announced, senior leader K Malaisamy was on Thursday expelled by party chief J Jayalalithaa for “bringing disrepute to the party”.

Keywords: Tamil Nadu, J Jayalalithaa, K Malaisamy, Narendra Modi, Elections 2014