ന്യൂഡൽഹി: (KVARTHA) പഹൽഗാമിലെ ആക്രമണത്തിന് ശക്തമായ തിരിച്ചടി നൽകിയതിനെക്കുറിച്ചുള്ള ഔദ്യോഗിക വിശദീകരണ വേളയിൽ, വിദേശകാര്യ സെക്രട്ടറി വിക്രം മിശ്രിക്കൊപ്പം ഇന്ത്യൻ സൈന്യത്തിന്റെ ധീര വനിതാ പ്രതിനിധികളായി കേണൽ സോഫിയ ഖുറേഷിയും വിങ് കമാൻഡർ വ്യോമിക സിംഗും മാധ്യമങ്ങൾക്ക് മുന്നിലെത്തി. സൈനിക നടപടികളുടെ കൃത്യത, ആക്രമണ തന്ത്രം, സാധാരണക്കാരുടെ സുരക്ഷ എന്നിവയെക്കുറിച്ച് ഇരുവരും ഉറച്ച ശബ്ദത്തിൽ സംസാരിച്ചത് ഭാരതത്തിന്റെ അഭിമാനം ഉയർത്തിപ്പിടിക്കുന്നതായിരുന്നു.

കേണൽ സോഫിയ ഖുറേഷി: കരസേനയിലെ കേണലായ സോഫിയ ഖുറേഷി, ഒരു ബഹുരാഷ്ട്ര സൈനികാഭ്യാസത്തിൽ ഇന്ത്യൻ സൈനിക സംഘത്തെ നയിച്ച ആദ്യ വനിതയാണ്. സൈനിക പശ്ചാത്തലമുള്ള കുടുംബത്തിൽ നിന്ന് വരുന്ന സോഫിയ, 1999ൽ ഓഫീസേഴ്സ് ട്രെയിനിങ് അക്കാദമിയിൽ നിന്ന് ലെഫ്റ്റനന്റായി സൈന്യത്തിൽ ചേർന്നു. ബയോകെമിസ്ട്രിയിൽ ബിരുദാനന്തര ബിരുദധാരിയായ ഇവരുടെ ഭർത്താവും സൈനിക ഉദ്യോഗസ്ഥനാണ്.

വിങ് കമാൻഡർ വ്യോമിക സിംഗ്: കുട്ടിക്കാലം മുതൽ സൈന്യത്തിൽ ചേരാൻ ആഗ്രഹിച്ച വ്യോമിക സിംഗ്, എഞ്ചിനീയറിംഗ് ബിരുദം നേടി 2019ൽ ഹെലികോപ്റ്റർ പൈലറ്റായി വ്യോമസേനയിൽ ചേർന്നു. ഹിമാചലിലെ മൗണ്ട് മണിറംഗ് കീഴടക്കിയ ഓൾ വിമൻ ട്രൈ സെർവീസസ് മൗണ്ടനീറിംഗ് ടീമിലെ അംഗമായിരുന്നു ഇവർ. 2500 ലധികം മണിക്കൂർ വിമാനം പറത്തിയ അനുഭവസമ്പത്തുള്ള വ്യോമിക, ജമ്മു കശ്മീർ, വടക്കുകിഴക്കൻ മേഖലകളിൽ ചേതക്, ചീറ്റ ഹെലിക്കോപ്റ്ററുകൾ പറത്തിയിട്ടുണ്ട്. 2020ൽ അരുണാചൽ പ്രദേശിലെ ഒരു രക്ഷാപ്രവർത്തനത്തിൽ മികച്ച പ്രകടനം കാഴ്ചവെച്ചു. സ്വന്തം കുടുംബത്തിൽ നിന്ന് സായുധസേനയിൽ എത്തുന്ന ആദ്യ വ്യക്തിയാണ് വ്യോമിക.

പഹൽഗാം ആക്രമണത്തിന് ഇന്ത്യ നൽകിയ ശക്തമായ തിരിച്ചടിയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. 

Wing Commander Vyonika Singh and Colonel Sophia Qureshi briefed the media alongside the Foreign Secretary on India's response to the Pahalgam attack, highlighting the precision of military operations and care for civilians.

#IndianArmy, #WomenInUniform, #CounterTerrorism, #VyonikaSingh, #SophiaQureshi, #India