Income Tax | ഇത്രയും വരുമാനമുണ്ടെങ്കിൽ ഇപ്പോൾ ആദായ നികുതി നൽകണം; ബജറ്റിൽ മാറ്റമുണ്ടാകുമോ?
Jan 31, 2023, 11:45 IST
ന്യൂഡെൽഹി: (www.kvartha.com) ബജറ്റ് വരാനിരിക്കെ ആദായനികുതി സ്ലാബിലെ ഇളവിലാണ് എല്ലാവരുടെയും കണ്ണ്. രാജ്യത്തെ എല്ലാ വരുമാനക്കാരിൽ നിന്നും ആദായനികുതി പിരിക്കുന്നതാണ്. അത് ജനങ്ങളുടെ വരുമാനത്തിന്റെ ഭാഗമാണ്. ഒരാളുടെ വരുമാനം നികുതി സ്ലാബ് അനുസരിച്ചല്ലെങ്കിൽ, അവർ തന്റെ വരുമാനത്തിന് നികുതി നൽകേണ്ടതില്ല. 2021-22 സാമ്പത്തിക വർഷം അനുസരിച്ച്, പുതിയ നികുതി വ്യവസ്ഥ പ്രകാരം വാർഷിക വരുമാനമായ 2.5 ലക്ഷം രൂപയ്ക്ക് ആദായനികുതി ഈടാക്കില്ല. 2.5 ലക്ഷം മുതൽ അഞ്ച് ലക്ഷം രൂപ വരെയുള്ള വരുമാനത്തിന് പഴയതുപോലെ 5% നികുതി ഉണ്ടാവും.
അഞ്ച് ലക്ഷം മുതൽ 7.5 ലക്ഷം വരെ വരുമാനത്തിന് 10 ശതമാനം നികുതി ചുമത്തുന്നു. 7.5 ലക്ഷം മുതൽ 10 രൂപ വരെയുള്ള വരുമാനത്തിന് ഇപ്പോൾ 15 ശതമാനമാണ് നികുതി. 10 ലക്ഷത്തിനും 12.5 ലക്ഷത്തിനും ഇടയിലുള്ള വരുമാനത്തിന് 20 ശതമാനവും 12.5 ലക്ഷത്തിനും 15 ലക്ഷത്തിനും ഇടയിലുള്ള വരുമാനത്തിന് 25 ശതമാനവുമാണ് നികുതി. 15 ലക്ഷം രൂപയിൽ കൂടുതൽ വരുമാനമുള്ളവർക്ക് പഴയതുപോലെ 30 ശതമാനമാണ് നികുതി.
ആദായ നികുതി സ്ലാബ് മാറിയേക്കാം
പുതിയ നികുതി വ്യവസ്ഥ കൂടുതൽ ആകർഷകമാക്കാനുള്ള ശ്രമത്തിലാണ് മോദി സർക്കാർ. ഇത്തവണ ആദായ നികുതി സ്ലാബിൽ മാറ്റം വരുത്താൻ ധനമന്ത്രാലയം ആലോചിക്കുന്നതായി മാധ്യമങ്ങൾ റിപ്പോർട്ട് ചെയ്യുന്നു. നികുതി വിധേയമായ ആദായ നികുതി ഇളവ് പരിധി നിലവിലുള്ള 2.5 ലക്ഷം രൂപയിൽ നിന്ന് അഞ്ച് ലക്ഷമായി ഉയർത്തിയേക്കുമെന്ന് വൃത്തങ്ങൾ അറിയിച്ചു. ആദായനികുതി ഭാരം കുറയ്ക്കണമെന്ന ആവശ്യം ശമ്പളക്കാരായ വിഭാഗത്തിൽ ഏറെക്കാലമായി നിലനിൽക്കുന്നതാണ്. ഈ നിയമങ്ങളിൽ വലിയ പരിഷ്കാരങ്ങളൊന്നും കഴിഞ്ഞ ഏതാനും വർഷങ്ങളായി സർക്കാർ പ്രഖ്യാപിച്ചിട്ടില്ല.
നികുതിദായകരുടെ വെല്ലുവിളികൾ
നിലവിൽ, മധ്യവർഗ നികുതിദായകർ നിരവധി വെല്ലുവിളികൾ നേരിടുന്നു. പണപ്പെരുപ്പമാണ് ഇതിലെ ഏറ്റവും വലിയ പ്രശ്നം. പണപ്പെരുപ്പത്തെ ചെറുക്കുന്നതിനായി സെൻട്രൽ ബാങ്ക് റിപ്പോ നിരക്ക് ഉയർത്തിയത് ഭവനവായ്പകൾക്കും മറ്റ് വായ്പകൾക്കുമുള്ള പ്രതിമാസ ഇഎംഐകൾ വർധിപ്പിക്കുന്നതിന് കാരണമായി. ഉയർന്ന ഇന്ധനവില ഗാർഹിക ബജറ്റിനെ ബാധിച്ചു. നികുതിദായകർ നേരിടുന്ന ഈ ബുദ്ധിമുട്ടുകൾ കണക്കിലെടുത്ത് ആദായനികുതി സ്ലാബ് നിരക്കുകളിൽ മാറ്റം വരുത്തേണ്ട സമയമായെന്ന് ജനങ്ങൾ പറയുന്നു.
Keywords: News, Kerala, National, Budget, Tax&Savings, Business, Income Tax Slabs in India.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
