അമേരിക്കൻ പ്രസിഡൻ്റ് ഡൊണാൾഡ് ട്രംപിൻ്റെ മുഖാകൃതിയിൽ മാരക ലഹരിഗുളിക വിപണിയിൽ; നെതർലൻഡ്സിൽ റെഡ് അലർട്ട് പ്രഖ്യാപിച്ചു

ഹേഗ്: (KVARTHA) അമേരിക്കൻ പ്രസിഡൻ്റ് ഡൊണാൾഡ് ട്രംപിൻ്റെ മുഖാകൃതിക്ക് സാമ്യമുള്ള ലഹരിഗുളിക വിപണിയിലുണ്ടെന്ന് മുന്നറിയിപ്പ് നൽകി നെതർലൻഡ്സിലെ മയക്കുമരുന്ന് വിരുദ്ധ മാനസികാരോഗ്യ സംഘടനയായ ട്രിംബോസ് ഇൻസ്റ്റിറ്റ്യൂട്ട്. മരണത്തിന് വരെ കാരണമായേക്കാവുന്ന ലഹരിഗുളികയാണിതെന്നാണ് മുന്നറിയിപ്പ്. ഇതേത്തുടർന്ന് രാജ്യത്ത് ഗുളിക വിലക്കിക്കൊണ്ട് റെഡ് അലർട്ടും പ്രഖ്യാപിച്ചു. ഒരു സാഹചര്യത്തിലും ഈ ഗുളികകൾ ഉപയോഗിക്കരുതെന്നും മാരകമായ പ്രത്യാഘാതങ്ങളുണ്ടാകുമെന്നും ട്രിംബോസ് ഇൻസ്റ്റിറ്റ്യൂട്ട് അറിയിച്ചു.

പിഎംഎംഎയുടെ സാന്നിധ്യം

മരുന്നിൻ്റെ ഒരു വശം ട്രംപിൻ്റെ മുഖാകൃതിയിലും മറുവശത്ത് 'NL' എന്നും എഴുതിയിട്ടുള്ളതായി റിപ്പോർട്ടുകൾ വ്യക്തമാക്കുന്നു. മാരകമായ പാരാ-മെഥോക്സിമെഥാംഫെറ്റാമിൻ ഈ ഗുളികകളിൽ അടങ്ങിയിരിക്കുന്നു. പച്ച, മഞ്ഞ നിറങ്ങളിലാണ് ഗുളിക വിപണിയിലുള്ളത്. എംഡിഎംഎയെക്കാൾ സാവധാനമാണ് പിഎംഎംഎയുടെ പ്രവർത്തനം ശരീരത്തിലുണ്ടാവുക. അതിനാൽ അമിത അളവിൽ ഗുളിക കഴിക്കാനുള്ള സാധ്യതയുണ്ട്.

അമിത ശരീരതാപം

ഇവ ഉപയോഗിക്കുമ്പോൾ ശരീരതാപം അമിതമായി വർധിക്കും. ഇത് വ്യക്തിയുടെ ജീവന് തന്നെ ആപത്താണ്. അതേസമയം, രാജ്യത്ത് ഇതുവരെ ഈ ഗുളിക കഴിച്ച് ആർക്കും ആരോഗ്യപ്രശ്നമോ മരണമോ റിപ്പോർട്ട് ചെയ്തിട്ടില്ല. 2017-ൽ ജർമനിയിലും സമാനമായി ഓറഞ്ച് നിറത്തിൽ ട്രംപിൻ്റെ മുഖാകൃതിയിലുള്ള ഗുളികകൾ അധികൃതർ പിടിച്ചെടുത്തിരുന്നു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: The Trimbos Institute in the Netherlands has issued a red alert warning the public against a dangerous illicit pill shaped like US President Donald Trump containing lethal PMMA, which can cause fatal overheating and toxic reactions.

#Kvartha #DonaldTrump #DrugWarning #NetherlandsNews #TrimbosInstitute #InternationalNews #MalayalamNews #RedAlert #AmmuNews