ഫ്ലൈഓവറിൽ ജീവനൊടുക്കാൻ ശ്രമിച്ച യുവാവിനെ സമയോചിതമായ ഇടപെടലിലൂടെ രക്ഷപ്പെടുത്തി ഡൽഹി പൊലീസ് സബ് ഇൻസ്പെക്ടർ, വീഡിയോ വൈറൽ

ന്യൂഡൽഹി: (KVARTHA) മഹിപാൽപൂർ ഫ്ലൈഓവറിൽ ജീവനൊടുക്കാൻ ശ്രമിച്ചയാളെ സമയോചിതമായ ഇടപെടലിലൂടെ രക്ഷപ്പെടുത്തി പൊലീസ്. ഡൽഹി പൊലീസ് സബ് ഇൻസ്പെക്ടർ അനിൽ ശർമ്മയാണ് യുവാവിനെ മരണത്തിൻ്റെ വക്കിൽ നിന്നും തിരിച്ചുകൊണ്ടുവന്നത്. സംഭവത്തിൻ്റെ വീഡിയോ പുറത്തുവന്നതോടെ വ്യാപക പ്രശംസയാണ് അനിൽ ശർമ്മയ്ക്ക് ലഭിക്കുന്നത്. യുവാവിനെ രക്ഷിക്കാനായി നടത്തിയ നാടകീയ രക്ഷാപ്രവർത്തനത്തിൻ്റെ വീഡിയോ ഡൽഹി പൊലീസിൻ്റെ ഔദ്യോഗിക എക്സ് അക്കൗണ്ടിലാണ് പങ്കുവെച്ചത്.

ശ്രദ്ധ തിരിച്ചുള്ള രക്ഷാപ്രവർത്തനം

യുവാവ് ആത്മഹത്യാഭീഷണി മുഴക്കുന്നെന്ന വിവരം ഡൽഹി പൊലീസിൻ്റെ എമർജൻസി നമ്പറിൽ ലഭിച്ചതിന് പിന്നാലെയാണ് പൊലീസ് സംഘം സ്ഥലത്തെത്തിയത്. ഫ്ലൈഓവറിൻ്റെ അരികിൽ അപകടാവസ്ഥയിൽ നിൽക്കുന്ന നിലയിലായിരുന്നു യുവാവ്.

യുവാവിൻ്റെ അടുത്തെത്തിയ പൊലീസ് ശ്രദ്ധ തിരിക്കാൻ വേണ്ടി ശാന്തമായി സംസാരിക്കുന്നതും ഒരു കുപ്പി വെള്ളം നൽകുന്നതും വീഡിയോയിൽ കാണാം. സംഭാഷണത്തിനിടയിൽ, തീരുമാനം പുനഃപരിശോധിക്കാനും ഇൻസ്പെക്ടർ യുവാവിനോട് പറയുന്നുണ്ട്.

തുടർന്ന് എസ്.ഐ. ശർമ്മ തൻ്റെ മൊബൈൽ ഫോൺ യുവാവിന് നൽകുകയും, ഒരു കോൾ ഉണ്ടെന്ന് യുവാവിനെ തെറ്റിദ്ധരിപ്പിക്കുകയുമായിരുന്നു. ഫോൺ വാങ്ങാനായി യുവാവ് കൈ നീട്ടിയപ്പോൾ ഒട്ടും സമയം കളയാതെ പിടിച്ച് വലിച്ച് സുരക്ഷിത സ്ഥലത്തേക്ക് മാറ്റുകയായിരുന്നു.

सूझबूझ, धैर्य और साहस का परिचय देते हुए दिल्ली पुलिस के SI अनिल शर्मा ने महिपालपुर फ्लाईओवर पर आत्महत्या का प्रयास कर रहे एक युवक की जान बचाई।

मौके पर पहुंचकर SI अनिल शर्मा ने युवक को बातचीत के जरिए शांत किया, उसे पानी पिलाया और अपना मोबाइल देकर उसका ध्यान भटकाया।
उचित अवसर… pic.twitter.com/Jm8c6bc7AZ

— Delhi Police (@DelhiPolice) June 16, 2026

സോഷ്യൽ മീഡിയയിൽ അഭിനന്ദന പ്രവാഹം

'മനുഷ്യത്വവും കടമയും കൈകോർക്കുമ്പോൾ ജീവൻ രക്ഷിക്കപ്പെടുന്നു. എസ്.ഐ. അനിൽ ശർമ്മയുടെ പെട്ടെന്നുള്ള വിവേകത്തിനും പ്രവർത്തിക്കും സല്യൂട്ട്' എന്നാണ് വീഡിയോയ്ക്ക് താഴെ ഒരാൾ കുറിച്ചത്. 'ഒരു അപരിചിതനെ സംരക്ഷിക്കാൻ ഈ പൊലീസ് ഉദ്യോഗസ്ഥൻ തൻ്റെ ജീവൻ പണയപ്പെടുത്തി, വളരെ പ്രശംസനീയമായ പ്രവർത്തി ചെയ്തു. വകുപ്പ് അദ്ദേഹത്തെ പരിഗണിക്കുമെന്ന് പ്രതീക്ഷിക്കുന്നു' എന്ന് തുടങ്ങുന്ന കമൻ്റുകളാണ് വീഡിയോയ്ക്ക് ലഭിക്കുന്നത്.

'സ്ഥലത്തെത്തിയ എസ്.ഐ. അനിൽ ശർമ്മ സംസാരിച്ച് യുവാവിനെ ശാന്തനാക്കി, കുടിക്കാൻ വെള്ളം നൽകി, മൊബൈൽ ഫോൺ നൽകി ശ്രദ്ധ തിരിച്ചുവിട്ടു. ശരിയായ നിമിഷം മുതലെടുത്ത്, യുവാവിനെ പെട്ടെന്ന് ഫ്ലൈഓവറിൽ നിന്ന് വലിച്ച് സുരക്ഷിത സ്ഥാനത്തെത്തിച്ചു. അദ്ദേഹത്തിൻ്റെ പെട്ടെന്നുള്ള പ്രവർത്തനം വിലപ്പെട്ട ഒരു ജീവൻ രക്ഷിച്ചു,' ഡൽഹി പൊലീസ് എക്സിൽ കുറിച്ചു.

ശ്രദ്ധിക്കുക: ആത്മഹത്യ ഒന്നിനും ഒരു പരിഹാരമല്ല. ജീവിതം വിലമതിക്കേണ്ടതാണ്. ആത്മഹത്യ ചിന്തകൾ ഉണ്ടെങ്കിൽ ദിശ ഹെല്പ് ഡെസ്കിൽ സഹായം തേടുക, നമ്പർ: 1056, അല്ലെങ്കിൽ iCALL- നമ്പർ: 9152987821.  നിങ്ങളുടെ പ്രശ്നങ്ങൾക്ക് പരിഹാരമുണ്ട്.

പൊലീസിൻ്റെ മികച്ച ഇടപെടലിൻ്റെ ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പ്രാദേശിക വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്തുക.

Article Summary: Delhi Police Sub-Inspector Anil Sharma saved a youth attempting death on the Mahipalpur flyover by distracting him with a water bottle and a mobile phone, earning widespread praise on social media.

#DelhiPolice #AnilSharma #RescueOperation #DelhiNews #ViralVideo #MalayalamNews #AmmuNews