ന്യൂഡൽഹി: (KVARTHA) ആം ആദ്മി പാർട്ടിക്ക് കനത്ത തിരിച്ചടിയായി 13 കൗൺസിലർമാർ പാർട്ടി വിട്ടു. ഇവർ ചേർന്ന് 'ഇന്ദ്രപ്രസ്ഥ വികാസ് പാർട്ടി' എന്ന പേരിൽ പുതിയ രാഷ്ട്രീയ പാർട്ടി രൂപീകരിച്ചു. ഡൽഹി കോർപ്പറേഷനിലെ എഎപിയുടെ സഭാനേതാവായിരുന്ന മുകേഷ് ഗോയൽ ഉൾപ്പെടെയുള്ളവരാണ് പാർട്ടി വിട്ടത്.

കഴിഞ്ഞ കോർപ്പറേഷൻ തിരഞ്ഞെടുപ്പിന് മുൻപാണ് ഇവർ കോൺഗ്രസിൽ നിന്ന് എഎപിയിൽ ചേർന്നത്. മുകേഷ് ഗോയൽ 25 വർഷം ഡൽഹി മുനിസിപ്പൽ കോർപ്പറേഷനിൽ കോൺഗ്രസ് കൗൺസിലറായിരുന്നു. ഫെബ്രുവരിയിൽ നടന്ന ഡൽഹി നിയമസഭാ തിരഞ്ഞെടുപ്പിൽ ആദർശ് നഗറിൽ നിന്ന് മുകേഷ് ഗോയൽ മത്സരിച്ചെങ്കിലും പരാജയപ്പെട്ടു.

നിയമസഭാ തിരഞ്ഞെടുപ്പിലെ പരാജയത്തെ തുടർന്ന് ആം ആദ്മി പാർട്ടിയിൽ ആഭ്യന്തര കലഹം രൂക്ഷമായിരുന്നു. അതൃപ്തി പരിഹരിക്കുന്നതിനായി മാർച്ച് മാസത്തിൽ പാർട്ടി സംഘടനാതലത്തിൽ അഴിച്ചുപണി നടത്തിയിരുന്നു. മുൻ മന്ത്രി സൗരഭ് ഭരദ്വാജിനെ ഡൽഹി യൂണിറ്റിന്റെ പുതിയ പ്രസിഡന്റായി നിയമിച്ചു. പഞ്ചാബിന്റെ ചുമതല മുൻ ഉപമുഖ്യമന്ത്രി മനീഷ് സിസോദിയക്ക് നൽകി. ഇതിനിടെയാണ് ഡൽഹിയിൽ പാർട്ടിക്ക് വലിയ തിരിച്ചടിയുണ്ടായിരിക്കുന്നത്.

ഡൽഹിയിലെ ഈ രാഷ്ട്രീയ മാറ്റത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. ആം ആദ്മി പാർട്ടിയുടെ ഭാവി എന്തായിരിക്കും? വാര്‍ത്ത ഷെയർ ചെയ്യുക.

Article Summary: 13 AAP councilors in Delhi resigned and formed a new party, 'Indraprastha Vikas Party', after internal disputes and election losses. Key leaders, including Mukesh Goyal, left the party, impacting AAP's standing in the Delhi corporation.

#AAPDelhi, #DelhiPolitics, #IndraprasthaParty, #PoliticalResignation, #DelhiCouncilors, #PartySplit