ഉത്തരാഖണ്ഡിലെ ജൗൽജിബി മേളയുടെ വേദിയിൽ പ്രസംഗിക്കാൻ അവസരം നൽകിയില്ലെന്നാരോപിച്ച് കോൺഗ്രസ് എംഎൽഎ നടത്തിയ പ്രധിഷേധം വിവാദമായി

ഡെറാഡൂൺ: (KVARTHA) ഉത്തരാഖണ്ഡിൽ പൊതുപരിപാടിക്കിടെ കോൺഗ്രസ് എം.എൽ.എ.യുടെ പ്രതിഷേധം. പരിപാടിയിൽ സംസാരിക്കുന്നതിനിടെ മൈക്ക് ഓഫായതിനെ തുടർന്ന് എം.എൽ.എ. വേദിയിലേക്ക് മൈക്ക് വലിച്ചെറിയുകയായിരുന്നു. ജൗൽജിബി മേളയുടെ ഉദ്ഘാടന വേദിയിൽ തനിക്ക് പ്രസംഗിക്കാൻ അവസരം നൽകിയില്ലെന്ന് ആരോപിച്ചായിരുന്നു ധർച്ചുല മണ്ഡലത്തിലെ കോൺഗ്രസ് എം.എൽ.എ. ഹരീഷ് സിങ് ധാമിയുടെ പ്രതിഷേധം.

ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമി പങ്കെടുത്ത വേദിയിൽ നടന്ന ഈ സംഭവത്തിൻ്റെ വീഡിയോ സമൂഹമാധ്യമങ്ങളിൽ പ്രചരിക്കുകയാണ്. മൈക്ക് വലിച്ചെറിഞ്ഞതിന് പിന്നാലെ വേദിയിൽ നിന്ന് താഴേക്ക് ഇറങ്ങി വന്ന എം.എൽ.എ. അവിടെയുണ്ടായിരുന്ന സൗണ്ട് സ്റ്റാഫിനെ കയ്യേറ്റം ചെയ്തു. ഇതിനുപുറമെ വേദിയിലുണ്ടായിരുന്ന കസേരയെടുത്ത് സൗണ്ട് സിസ്റ്റം പൂർണമായും തകർക്കാൻ അദ്ദേഹം ശ്രമിച്ചതായി ദൃശ്യങ്ങളിൽ കാണാം.

പ്രസംഗിക്കാൻ അനുവദിച്ചില്ലെന്ന് ആരോപണം

ജൗൽജിബി മേളയുടെ അധ്യക്ഷൻ താനാണെന്നും, പിന്നെന്തുകൊണ്ട് തന്നെ സംസാരിക്കാൻ അനുവദിച്ചില്ലെന്നും ആരോപിച്ചായിരുന്നു എം.എൽ.എ.യുടെ പ്രതിഷേധം. മുഖ്യമന്ത്രി പരിപാടി കഴിഞ്ഞ് മടങ്ങിയതിന് പിന്നാലെയാണ് വേദിയിലുണ്ടായിരുന്ന എം.എൽ.എ.യും അദ്ദേഹത്തിൻ്റെ അനുഭാവികളും പ്രതിഷേധിച്ചത്.

മുഖ്യമന്ത്രിക്ക് വെല്ലുവിളി

സംഭവത്തിന് പിന്നാലെ ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമിയെ 'ഭീരു' എന്ന് വിളിച്ച് കോൺഗ്രസ് എം.എൽ.എ. ഹരീഷ് സിങ് ധാമി രംഗത്തെത്തി. അടുത്ത തിരഞ്ഞെടുപ്പിൽ മുഖ്യമന്ത്രി പുഷ്കർ സിംഗ് ധാമിയെ തൻ്റെ മണ്ഡലത്തിൽ വന്ന് മത്സരിക്കാൻ അദ്ദേഹം വെല്ലുവിളിക്കുകയും ചെയ്തു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും പങ്കുവെക്കുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Congress MLA Harish Singh Dhami threw a mic and chair at an event in Uttarakhand after allegedly being denied a chance to speak.

#Kvartha #UttarakhandNews #HarishSinghDhami #PushkarSinghDhami #CongressMLA #ViralVideo #MalayalamNews #PoliticalControversy #JauljibiMela #AmmuNews