ശ്രീനഗർ: (KVARTHA) ഐഫൽ ടവറിനേക്കാൾ ഉയരമുള്ള, ലോകത്തിലെ ഏറ്റവും ഉയരം കൂടിയ റെയിൽവേ ആർച്ച് പാലമായ ചെനാബ് പാലം പ്രധാനമന്ത്രി നരേന്ദ്രമോദി ഉദ്ഘാടനം ചെയ്തു. ഇതോടെ കശ്മീർ താഴ്വര ഇന്ത്യയുടെ മറ്റ് ഭാഗങ്ങളുമായി റെയിൽവേ ലൈൻ വഴി ബന്ധിപ്പിക്കപ്പെട്ടു. ഓപ്പറേഷൻ സിന്ദൂരിനുശേഷം ആദ്യമായാണ് പ്രധാനമന്ത്രി ജമ്മു കശ്മീരിലെത്തിയത്.

രാജ്യത്തെ ആദ്യ കേബിൾ റെയിൽപാലമായ അൻജി ഘാട്ട് ഉൾപ്പെടെ, എൻജിനീയറിങ് വിസ്മയങ്ങൾ നിറഞ്ഞ പുതിയ റെയിൽപാതയാണ് ഇപ്പോൾ പ്രവർത്തനം ആരംഭിച്ചത്. ശിവാലിക്, പിർ പഞ്ചാൽ മലനിരകളിലൂടെയാണ് ഈ പാത നിർമ്മിച്ചിരിക്കുന്നത്. ഉധംപുർ-ശ്രീനഗർ-ബാരാമുള്ള റെയിൽലിങ്ക് പ്രോജക്ടും (യു.എസ്.ബി.ആർ.എൽ.) പ്രധാനമന്ത്രി ഉദ്ഘാടനം ചെയ്തു. ജമ്മു താവി-ശ്രീനഗർ വന്ദേഭാരത് എക്‌സ്പ്രസ് ട്രെയിൻ ഫ്‌ലാഗ് ഓഫ് ചെയ്ത പ്രധാനമന്ത്രി, 46,000 കോടി രൂപയുടെ വികസന പ്രവർത്തനങ്ങൾക്കും തുടക്കം കുറിച്ചു.

ചെനാബ് പാലം നിർമ്മിച്ചത് കൊങ്കൺ റെയിൽവേ ലിമിറ്റഡാണ്. ചെനാബ് നദീ തടത്തിൽ നിന്നുള്ള പാലത്തിൻ്റെ ഉയരം 359 മീറ്ററാണ്. ഇതിന് 1.325 കിലോമീറ്റർ നീളമുണ്ട്. 330 മീറ്റർ ഉയരമുള്ള ഐഫൽ ടവറിനേക്കാൾ ഉയരമുള്ളതാണ് ഈ പാലം. നിർമ്മാണത്തിന് 28,660 ടൺ സ്റ്റീൽ ഉപയോഗിച്ചു. ജമ്മു കശ്മീരിലെ റിയാസി ജില്ലയിലെ കൗരി, ബക്കൽ ഗ്രാമങ്ങൾക്ക് ഇടയിലാണ് പാലം സ്ഥിതി ചെയ്യുന്നത്. കേബിൾ പാലമായ അൻജിഘാട്ടിൻ്റെ ഉയരം 331 മീറ്ററും നീളം 725 മീറ്ററുമാണ്. ഈ പാലവും കൊങ്കൺ റെയിൽവേ ലിമിറ്റഡാണ് നിർമ്മിച്ചത്. പാലത്തിലെ കേബിളുകളുടെ ആകെ നീളം 653 കിലോമീറ്ററാണ്.

PM @narendramodi at the Chenab Bridge.

The state-of-the-art bridge will improve connectivity between Jammu and Srinagar. pic.twitter.com/YhTZGoMFzD

— PMO India (@PMOIndia) June 6, 2025

ലോകത്തിലെ ഏറ്റവും ഉയരം കൂടിയ റെയിൽവേ പാലം ഇനി ഇന്ത്യയിൽ! രാജ്യത്തിന് അഭിമാനമായി ഒരു എഞ്ചിനീയറിംഗ് വിസ്മയം! ഈ നേട്ടം സുഹൃത്തുക്കളുമായി പങ്കുവെക്കുക.

Article Summary: Modi inaugurates Chenab Railway Arch Bridge, world's highest, connecting Kashmir.

#ChenabBridge #IndianRailways #KashmirConnectivity #ModiInauguration #EngineeringMarvel #JammuAndKashmir