ശ്രീനഗര്‍: (KVARTHA) നിയമസഭാ തിരഞ്ഞെടുപ്പിന് തൊട്ടുമുന്‍പ്, ജമ്മു കശ്മീരിലെ (Jammu and Kashmir) അതിര്‍ത്തിയില്‍ വീണ്ടും പനിമൂടിയ അന്തരീക്ഷം. പാക്കിസ്ഥാന്‍ സൈന്യം വെടിനിര്‍ത്തല്‍ കരാര്‍ ലംഘിച്ച് ഇന്ത്യന്‍ സൈനിക പോസ്റ്റുകള്‍ക്ക് നേരെ വെടിവയ്പ് നടത്തി. ഈ ആക്രമണത്തില്‍ ഒരു ബിഎസ്എഫ് (Border Security Force-BSF) ജവാന്‍ പരുക്കേറ്റു.

ചൊവ്വാഴ്ച പുലര്‍ച്ചെ 2:35 ഓടെയാണ് അഖ്‌നൂര്‍ സെക്ടറില്‍ ഈ സംഭവം ഉണ്ടായത്. പാക്കിസ്ഥാന്‍ സൈന്യം പ്രകോപനമില്ലാതെ വെടിനിര്‍ത്തല്‍ കരാര്‍ ലംഘിച്ചു എന്നാണ് റിപ്പോര്‍ട്ടുകള്‍. ബിഎസ്എഫ് ജവാന്മാര്‍ ശക്തമായി പ്രതികരിച്ചെങ്കിലും പാക്കിസ്ഥാന്‍ ഭാഗത്തെ ആളപായത്തെക്കുറിച്ചുള്ള വിവരങ്ങള്‍ ലഭിച്ചിട്ടില്ല.

2021 ഫെബ്രുവരിയില്‍ ഇരു രാജ്യങ്ങളും വെടിനിര്‍ത്തല്‍ കരാര്‍ പുതുക്കിയതിനുശേഷം ഇത്തരം സംഭവങ്ങള്‍ വിരളമായിരുന്നു. എന്നാല്‍, നിയമസഭാ തിരഞ്ഞെടുപ്പിന് തൊട്ടുമുമ്പ് ഉണ്ടായ ഈ ആക്രമണം സുരക്ഷാ സേനയെ അതീവ ജാഗ്രതയിലാക്കിയിരിക്കുന്നു.

മൂന്നുഘട്ടമായി നടക്കുന്ന നിയമസഭാ തിരഞ്ഞെടുപ്പിന്റെ ആദ്യ ഘട്ടം സെപ്റ്റംബര്‍ 18ന് ആരംഭിക്കാനിരിക്കെയാണ് ഈ സംഭവം ഉണ്ടായത്. സംഘര്‍ഷം രൂക്ഷമാകാനുള്ള സാധ്യത കണക്കിലെടുത്ത് സുരക്ഷാ സേന അതിര്‍ത്തിയില്‍ കര്‍ശന നിരീക്ഷണം നടത്തുന്നു.
#Jammu #Kashmir #Pakistan #India #ceasefire #BSF #Army #elections #conflict