Overhaul | കശ്മീര് സുരക്ഷാ തന്ത്രങ്ങളില് കാര്യമായ മാറ്റത്തിനൊരുങ്ങി സൈന്യം; ബിഎസ്എഫ് ഡയറക്ടര് ജനറലിനെ കേരളത്തിലേക്ക് തിരിച്ചയച്ചു
ന്യൂഡല്ഹി: (KVARTHA) ജമ്മു കശ്മീരില് (Jammu and Kashmir) സുരക്ഷാ സാഹചര്യം (Security Situation) വഷളാകുന്ന സാഹചര്യത്തില് കേന്ദ്ര സര്ക്കാര് അടിയന്തര നടപടികള് സ്വീകരിച്ചു. കഴിഞ്ഞ രണ്ട് മാസത്തിനിടെ ആക്രമണങ്ങള് (attacks) വലിയ തോതില് വര്ദ്ധിച്ചതും കാലങ്ങളായി അക്രമം ഇല്ലാതിരുന്ന മേഖലകളിലും സമാധാന അന്തരീക്ഷം തകര്ന്നതും ഗുരുതരമായ ആശങ്കയായി മാറി.
ഈ സാഹചര്യത്തില്, ബിഎസ്എഫ് (Border Security Force) ഡയറക്ടര് ജനറല് നിതിന് അഗര്വാളിനെ മാറ്റി. അദ്ദേഹത്തെ കേരള കേഡറിലേക്ക് തന്നെ മടക്കി അയച്ചു. ഇതിന് പിന്നാലെ, ബിഎസ്എഫ് സ്പെഷല് ഡിജി വൈ.ബി. ഖുറാനിയെയും മാറ്റി. ഇദ്ദേഹം ഒഡീഷ കേഡറിലേക്ക് മടങ്ങും.
സുരക്ഷാ സേനയുടെ തലപ്പത്തുള്ള രണ്ട് പേരെ ഒരേസമയം മാറ്റുന്നത് അപൂര്വമായ ഒരു നീക്കമാണ്. നുഴഞ്ഞുകയറ്റ ശ്രമങ്ങള് (infiltration attempts) വര്ദ്ധിച്ച സാഹചര്യത്തിലാണ് ഇരുവരെയും മാറ്റിയതെന്നാണ് സൂചന. സേനയെ നിയന്ത്രിക്കുന്നതിലും മറ്റു സുരക്ഷാ ഏജന്സികളുമായി സഹകരിച്ചു പ്രവര്ത്തിക്കുന്നതിലും വീഴ്ച വരുത്തിയതിനാണ് ഇവരെ മാറ്റിയതെന്ന് ഉന്നത ഉദ്യോഗസ്ഥരെ ഉദ്ധരിച്ച് ദേശീയ മാധ്യമങ്ങള് റിപ്പോര്ട്ട് ചെയ്തു.
ഈ മാറ്റങ്ങളോടൊപ്പം, ജമ്മു കശ്മീരില് സുരക്ഷ ശക്തമാക്കാനുള്ള നടപടികളും സ്വീകരിച്ചു. ബിഎസ്എഫിന്റെ 2000 ഭടന്മാരെ കശ്മീര് മേഖലയില് പുതുതായി വിന്യസിച്ചു. സാമ്പാ മേഖലയിലാണ് ഇവരുടെ സേവനം ഉപയോഗിക്കുന്നത്.
