ശ്രീനഗർ: (KVARTHA) ജമ്മു കശ്മീരിൽ സംഘർഷം വീണ്ടും രൂക്ഷമായിരിക്കുകയാണ്. അഖ്‌നൂർ നഗരത്തിലെ ജോഗ്‌വാൻ മേഖലയിൽ സൈനിക വാഹനങ്ങൾക്ക് നേരെ നടന്ന ആക്രമണത്തിൽ അഞ്ച് സൈനികർക്ക് പരിക്കേറ്റതായി പൊലീസ് സ്ഥിരീകരിച്ചു. തിരിച്ചടിയിൽ ഒരു അക്രമിയെ സൈന്യം വധിച്ചു. മറ്റുള്ളവർക്കായി തിരച്ചിൽ നടക്കുകയാണ്.

പൊലീസ് നൽകിയ വിവരമനുസരിച്ച്, തിങ്കളാഴ്ച രാവിലെ 7.30ന് ജോഗ്വാനിലെ ശിവാസ്സൻ ക്ഷേത്രത്തിന് സമീപമുള്ള ബട്ടാല്‍ പ്രദേശത്ത് വെച്ചാണ് സൈന്യത്തിന്റെ ആംബുലൻസ് ഉള്‍പ്പെടെയുള്ള വാഹനങ്ങള്‍ക്ക് നേരെ വെടിയുതിർത്തത്. മൂന്ന് സായുധ ഗുണ്ടകൾ 15-20 റൗണ്ട് വെടിവച്ചതായി സാക്ഷികൾ പറയുന്നു. 

കഴിഞ്ഞ ദിവസങ്ങളിലെ സമാന സംഭവങ്ങൾ:

കഴിഞ്ഞ വ്യാഴാഴ്ച ഗുൽമാർഗിൽ സൈനിക വാഹനത്തിന് നേരെ നടന്ന ആക്രമണത്തിൽ രണ്ടു സൈനികർ ഉൾപ്പെടെ നാലുപേർ കൊല്ലപ്പെട്ടിരുന്നു. ഞായറാഴ്ച പുൽവാമയിൽ അതിഥി തൊഴിലാളിയെ ലക്ഷ്യമാക്കിയും ആക്രമണമുണ്ടായി. കഴിഞ്ഞ ഒരാഴ്ചക്കിടെ കശ്മീരില്‍ സൈന്യത്തിന് നേരെ നടക്കുന്ന അഞ്ചാമത്തെ ആക്രമണമാണ് അഖ്നൂരിലേത്.

#Kashmir #MilitaryAttack #Akhnoor #Security #Conflict #Jammu