മെസിയൊക്കെയെന്ത്, ഇത് താൻ ഗജരാജ; അസമിൽ ഫുട്ബോൾ മൈതാനത്ത് പന്തു തട്ടിക്കളിച്ച് കാട്ടാന, ദൃശ്യങ്ങൾ വൈറൽ

ഗോലാഘട്ട്: (KVARTHA) മെസിയൊക്കെയെന്ത്, ഇത് താൻ കാട്ടാന. അസമിലെ ഗോലാഘട്ട് ജില്ലയിലെ നുമാലിഗഢിനടുത്തുള്ള ബോഗിധല മേഖലയിൽ നിന്നാണ് ഈ കൗതുകകരമായ സംഭവം റിപ്പോർട്ട് ചെയ്തത്. പച്ചപ്പുനിറഞ്ഞ മൈതാനത്ത് എത്തിയ കാട്ടാന ഫുട്ബോൾ കണ്ടതോടെ അതുമായി കളിക്കുകയായിരുന്നു. ആനയെ കണ്ടതും കളിക്കാരെല്ലാം ഓടി പൊന്തക്കാട്ടിൽ ഒളിച്ചു. ഈ സമയം പന്തുമായി മൈതാനത്ത് ഓടി നടന്ന് കളിക്കുന്ന കാട്ടാനയെ ദൃശ്യങ്ങളിൽ കാണാം. 

മൈതാനത്ത് സ്വതന്ത്രമായി സഞ്ചരിച്ച ആന തുമ്പിക്കൈയും മുൻകാലുകളും ഉപയോഗിച്ച് പന്ത് തട്ടിയും നീക്കിയുമാണ് കളിച്ചത്. പന്തിനൊപ്പമുള്ള ആനയുടെ ചലനങ്ങളും അതിൻ്റെ അസാധാരണമായ ഏകോപനശേഷിയും കാഴ്ചക്കാരെ അമ്പരപ്പിച്ചു. സാധാരണയായി മനുഷ്യരുടെ കളിസ്ഥലങ്ങളിൽ നിന്ന് അകലം പാലിക്കുന്ന വന്യജീവികൾ, പ്രത്യേകിച്ചും കാട്ടാന ഫുട്ബോളിൽ തൻ്റെ സ്കിൽ പുറത്തെടുക്കുന്ന കാഴ്ചയായിരുന്നു അത്.

നൊമ്പരമായി പഴയ ദൃശ്യം

കഴിഞ്ഞ ദിവസം സമൂഹ മാധ്യമങ്ങളിൽ വൈറലായ അസമിൽ നിന്നുള്ള മറ്റൊരു വീഡിയോ കാഴ്ചക്കാരെ ഏറെ നൊമ്പരപ്പെടുത്തുന്നതായിരുന്നു. കഴുത്തിൽ ട്രാക്ടറിൻ്റെ ടയർ കുരുങ്ങി ഭക്ഷണം കഴിക്കാൻ പോലുമാകാതെ കൂട്ടത്തിൽ നിന്ന് ഒറ്റപ്പെട്ട നിലയിലുള്ള ഒരു കാട്ടാനയുടെ വീഡിയോയായിരുന്നു അത്. 

A #wildelephant was spotted playing with a football at the Bogidhola playground in #Numaligarh, #Assam, creating a rare and entertaining sight for onlookers. The unusual moment was captured, the elephant casually kicking and interacting with the ball🐘⚽❤️
Credit: Pepa.Assam pic.twitter.com/epZqNAzWhS

— Jubin Hazarika (@Jubin_Hazarikaa) September 13, 2026

ഏറെ ശ്രമത്തിന് ശേഷം വനംവകുപ്പ് ഉദ്യോഗസ്ഥർ ആനയുടെ കഴുത്തിൽ നിന്നും ട്രാക്ടറിൻ്റെ ടയർ മാറ്റിയെങ്കിലും വനത്തിൽ മനുഷ്യൻ ഉപേക്ഷിക്കുന്ന വസ്തുക്കൾ മൃഗങ്ങളെ എന്തുമാത്രം ദുരിതത്തിലാക്കുമെന്നതിനുള്ള ഒരു ഉദാഹരണം കൂടിയായി ആ വീഡിയോ മാറി. എന്നാൽ അതിന് പിന്നാലെയാണ് അസമിൽ നിന്നും ആനന്ദിപ്പിക്കുന്ന പുതിയ ദൃശ്യങ്ങൾ പുറത്തുവന്നത്.

അമ്പരന്ന് കാഴ്ചക്കാർ

ആനയുടെ ഈ അപ്രതീക്ഷിത കളി നേരിൽ കണ്ടവർക്ക് അത് കൗതുകത്തിൻ്റെയും ആഹ്ലാദത്തിൻ്റെയും നിമിഷമായി. പിന്നീട് സംഭവത്തിൻ്റെ ദൃശ്യങ്ങൾ സമൂഹ മാധ്യമങ്ങളിൽ പ്രചരിച്ചതോടെ നിരവധി പേരാണ് തങ്ങളുടെ സന്തോഷം പ്രകടിപ്പിച്ച് എത്തിയത്. കാട്ടാനയുടെ ചടുലതയും പന്തിനോടുള്ള താൽപര്യവും കാഴ്ചക്കാർ പ്രത്യേകം ചൂണ്ടിക്കാട്ടി. 

അസമിൽ കാട്ടാനകളുമായി ബന്ധപ്പെട്ട ദൃശ്യങ്ങൾ പലപ്പോഴും വലിയ ശ്രദ്ധ നേടാറുണ്ട്. മനുഷ്യ-വന്യമൃഗ സംഘർഷം ഉൾപ്പെടെയുള്ള വിഷയങ്ങൾ സംസ്ഥാനത്ത് സജീവ ചർച്ചയായിരിക്കെയാണ്, അതിൽനിന്ന് വ്യത്യസ്തമായി ഒരു കാട്ടാനയുടെ രസകരമായ പെരുമാറ്റം ഇപ്പോൾ സമൂഹ മാധ്യമങ്ങളുടെ ശ്രദ്ധ പിടിച്ചുപറ്റുന്നത്. 

ഫുട്ബോൾ മൈതാനത്ത് ഒരു പ്രൊഫഷണൽ താരത്തെപ്പോലെ പന്ത് തട്ടുന്ന ആനയുടെ ദൃശ്യങ്ങൾ കാഴ്ചക്കാരിൽ കൗതുകമുണർത്തുന്നതിനൊപ്പം, വന്യജീവികളുടെ സ്വാഭാവികമായ കൗശലവും ചടുലതയും ഒരിക്കൽ കൂടി ചർച്ചാ വിഷയമായി.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.

Article Summary: A wild elephant was caught on video playing football on a ground in Assam.

#Kvartha #AssamNews #ElephantPlayingFootball #Golaghat #WildElephant #MalayalamNews #ViralVideo #AnimalBehavior #AmmuNews