ചെന്നൈ: (KVARTHA) ക്വാലാലംപൂരിൽ നിന്ന് കോഴിക്കോട്ടേക്ക് പോവുകയായിരുന്ന എയർ ഏഷ്യ വിമാനം സാങ്കേതിക തകരാറിനെ തുടർന്ന് ചെന്നൈ വിമാനത്താവളത്തിൽ അടിയന്തരമായി ഇറക്കി. വ്യാഴാഴ്ച (14.08.2025) രാത്രി 11.25-നാണ് സംഭവം നടന്നത്. വിമാനത്തിന് സാങ്കേതിക തകരാർ ഉണ്ടെന്ന് പൈലറ്റ് ചെന്നൈ എയർ ട്രാഫിക് കൺട്രോളിനെ അറിയിച്ചതിനെ തുടർന്ന് ഉടൻ ലാൻഡിങ്ങിന് നിർദേശം നൽകുകയായിരുന്നു.

അടിയന്തര സാഹചര്യങ്ങൾ നേരിടാൻ അഗ്നിരക്ഷാ സേനയും ആംബുലൻസുകളും ഉൾപ്പെടെയുള്ള എല്ലാ സുരക്ഷാ സംവിധാനങ്ങളും വിമാനത്താവളത്തിൽ ഒരുക്കിയിരുന്നു. 147 യാത്രക്കാരുമായി വിമാനം സുരക്ഷിതമായി നിലത്തിറക്കി. യാത്രക്കാരെ ഇപ്പോൾ വിമാനത്താവളത്തിന് സമീപമുള്ള ഹോട്ടലുകളിലേക്ക് മാറ്റിയിട്ടുണ്ട്. വെള്ളിയാഴ്ച (15.08.2025) വൈകിട്ട് അഞ്ച് മണിക്ക് വിമാനം കോഴിക്കോട്ടേക്ക് പുറപ്പെടുമെന്ന് അധികൃതർ അറിയിച്ചു.
 

ഈ വാർത്തയെക്കുറിച്ചുള്ള നിങ്ങളുടെ അഭിപ്രായം പങ്കുവെക്കൂ.

Article Summary: AirAsia flight from Kuala Lumpur to Kozhikode makes an emergency landing in Chennai due to a technical snag; all 147 passengers are safe.

#AirAsia #EmergencyLanding #Kozhikode #Chennai #FlightNews #Aviation