അഹമ്മദാബാദ്: (KVARTHA) രാജ്യത്തെ നടുക്കിയ അഹമ്മദാബാദിലെ എയർ ഇന്ത്യ വിമാന ദുരന്തത്തിൽ അട്ടിമറി സാധ്യത തള്ളാതെ അന്വേഷണ സംഘം. ഗ്രൗണ്ട് ഹാൻഡ്ലിങ് ഓപ്പറേഷൻ്റെ ചുമതലയിലുണ്ടായിരുന്ന എല്ലാ ഗ്രൗണ്ട് സ്റ്റാഫിനെയും ഇക്കാര്യം പരിശോധിക്കാൻ ചോദ്യം ചെയ്യും.

എല്ലാ ഗ്രൗണ്ട് സ്റ്റാഫിൻ്റെയും മൊഴി രേഖപ്പെടുത്താനാണ് നിർദേശം. വിമാനം ടേക്ക് ഓഫ് ചെയ്യാൻ ക്ലിയറൻസ് നൽകുന്നതുപോലെ നിർണായക സ്ഥാനത്തുള്ള ഉദ്യോഗസ്ഥരുടെ മൊബൈല്‍ ഫോണുകൾ പിടിച്ചെടുത്ത് പരിശോധിക്കും.

എയർക്രാഫ്റ്റ് ആക്‌സിഡൻ്റ് ഇൻവെസ്റ്റിഗേഷൻ ബ്യൂറോയാണ് (AAIB) അന്വേഷണത്തിന് നേതൃത്വം നൽകുന്നത്. ഗുജറാത്ത് പോലീസും എയർപോർട്ട്‌സ് അതോറിറ്റി ഓഫ് ഇന്ത്യയും (AAI) ഡയറക്ടറേറ്റ് ജനറൽ ഓഫ് സിവിൽ ഏവിയേഷനും (DGCA) ഇതിൽ സഹകരിക്കുന്നുണ്ട്.

ഇതുകൂടാതെ, യു.എസിലെ നാഷണൽ ട്രാൻസ്പോർട്ടേഷൻ സേഫ്റ്റി ബോർഡ് (NTSB) അന്താരാഷ്ട്ര വ്യോമയാന വിദഗ്ധരുടെ സഹായത്തോടെ സമാന്തര അന്വേഷണവും നടത്തുന്നുണ്ട്.

അട്ടിമറി സംശയമുയർന്ന സാഹചര്യത്തിൽ, വിമാനം പുറപ്പെടുന്നതിന് മുൻപും ശേഷവുമുള്ള എയർപോർട്ട് പരിസരത്തുനിന്നുള്ള സി.സി.ടി.വി. ദൃശ്യങ്ങൾ അന്വേഷണ ഉദ്യോഗസ്ഥർ ശേഖരിച്ചിട്ടുണ്ട്.

ഡിജിറ്റൽ ഫ്ലൈറ്റ് ഡാറ്റാ റെക്കോർഡറും (DFDR) കോക്ക്പിറ്റ് വോയ്സ് റെക്കോർഡറും (CVR) നേരത്തെതന്നെ കണ്ടെടുത്തിരുന്നു.

അഹമ്മദാബാദ് വിമാന ദുരന്തത്തിലെ അട്ടിമറി സാധ്യതയെക്കുറിച്ച് നിങ്ങളുടെ അഭിപ്രായം എന്താണ്?

Article Summary: Ahmedabad plane crash probe considers sabotage; ground staff questioned, phones seized.

#AhmedabadCrash #AirIndia #PlaneCrash #SabotageProbe #AviationSafety #IndiaNews