മുറിയിലെ എ സി പൊട്ടിത്തെറിച്ച് അപകടം; ഭര്ത്താവും ഭാര്യയും വെന്തുമരിച്ചു
Oct 10, 2021, 08:04 IST
ADVERTISEMENT
മധുര: (www.kvartha.com 10.10.2021) മുറിയിലെ എയര് കന്ഡീഷ്ണര് പൊട്ടിത്തെറിച്ചുണ്ടായ അപകടത്തില് ഭര്ത്താവും ഭാര്യയും വെന്തുമരിച്ചു. ശിക്തികണ്ണന് (43), ഭാര്യ ശുഭ എന്നിവരാണ് മരിച്ചത്. തമിഴ്നാട്ടിലെ മധുര ആനയൂര് എസ് വി പി നഗറില് ശനിയാഴ്ച പുലര്ചെയായിരുന്നു സംഭവം. തകരാറായ എസിയില് നിന്നും വലിയ ശബ്ദവും പുകയും വരുന്നതുകണ്ട് മുറിയില് നിന്ന് പുറത്തേക്ക് വരാന് ദമ്പതിമാര് ശ്രമിക്കുന്നതിനിടെയാണ് എസി പൊട്ടിത്തെറിച്ച് തീപിടിച്ചത്.
ഫയര് ആന്ഡ് റെസ്ക്യൂ എത്തിയാണ് തീ അണച്ച് മൃതദേഹങ്ങള് പുറത്തെടുത്തത്. വെള്ളിയാഴ്ച രാത്രി ശക്തികണ്ണന്, ഭാര്യ ശുഭ, മക്കളായ കാവ്യ, കാര്ത്തികേയന് എന്നിവര് ഒന്നിച്ചാണ് വീടിന്റെ ഒന്നാം നിലയിലെ മുറിയില് കിടന്നത്. എന്നാല് രാത്രി വൈകി മുറിയില് തണുപ്പ് കൂടുതലാണ് എന്ന് പറഞ്ഞ് മക്കള് താഴത്തെ നിലയിലേക്ക് മാറി കിടക്കുകയായിരുന്നു.
പുലര്ചെ മുകള് നിലയില് നിന്നും തീ ഉയരുന്നത് കണ്ട് അയല്ക്കാര് ഓടിക്കൂടുകയും മക്കളെ വിളിച്ച് വിവരം അറിയിക്കുകയുമായിരുന്നു. പോസ്റ്റുമോര്ടെത്തിന് ശേഷം മൃതദേഹങ്ങള് സംസ്കരിച്ചു. സംഭവത്തില് വിശദമായ അന്വേഷണം നടത്തുമെന്ന് ആനയൂര് പൊലീസ് പറഞ്ഞു.
Keywords: News, National, Death, Accident, House, Burnt, Police, Fire, AC, Husband, Wife, AC explosion accident; Husband and wife died
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
