Coins Removed | 'ഛര്‍ദിയും വയറുവേദനയുമായി എത്തിയ രോഗിയുടെ വയറ്റില്‍ നിന്ന് ഡോക്ടര്‍മാര്‍ നീക്കം ചെയ്തത് 187 നാണയങ്ങള്‍'; എപ്പോഴും വിശപ്പ് തോന്നുന്നതിനാലാണ് വിഴുങ്ങിയതെന്ന് 58കാരന്‍
ADVERTISEMENT
ബെംഗ്‌ളൂറു: (www.kvartha.com) ഛര്‍ദിയും വയറുവേദനയുമായി എത്തിയ രോഗിയുടെ വയറ്റില്‍ നിന്ന് ഡോക്ടര്‍മാര്‍ നീക്കം ചെയ്തത് 187 നാണയങ്ങളെന്ന് റിപോര്‍ട്. കര്‍ണാടകയിലെ ബാഗല്‍കോട്ടിലെ ഹനഗല്‍ ശ്രീ കുമാരേശ്വര്‍ ഹോസ്പിറ്റല്‍ ആന്‍ഡ് റിസര്‍ച് സെന്ററിലെ ഡോക്ടര്‍മാരാണ് 58കാരനായ ധ്യാമപ്പയുടെ ആമാശയത്തില്‍ നിന്നും ഒന്നര കിലോഗ്രാമോളം നാണയങ്ങള്‍ നീക്കം ചെയ്തതെന്ന് എഎന്‍ഐ റപോര്‍ട് ചെയ്തു.
'മാനസിക വൈകല്യമുള്ള അദ്ദേഹം കഴിഞ്ഞ രണ്ട്, മൂന്ന് മാസമായി നാണയങ്ങള്‍ വിഴുങ്ങുകയായിരുന്നു. ഛര്‍ദിയും വയറിലെ അസ്വസ്ഥതയും പരാതിപ്പെട്ടാണ് അദ്ദേഹം ആശുപത്രിയില്‍ എത്തിയത്.' -ശസ്ത്രക്രിയ നടത്തിയ ഡോക്ടര്‍മാരില്‍ ഒരാളായ ഈശ്വര്‍ കലബുര്‍ഗി പറഞ്ഞു.
എപ്പോഴും വിശപ്പ് തോന്നുന്നതിനാലാണ് നാണയങ്ങള്‍ വിഴുങ്ങിയതെന്നും ഏഴ് മാസത്തിനിടെയാണ് ഇത്രയും നാണയങ്ങള്‍ വിഴുങ്ങിയതെന്ന് ധ്യാമപ്പ ഡോക്ടര്‍മാരോട് പറഞ്ഞു. എസ് നിജലിംഗപ്പ മെഡികല്‍ കോളജിലെ ഡോക്ടര്‍ ഈശ്വര്‍ കല്‍ബുര്‍ഗി, സര്‍ജറി വിഭാഗത്തിലെ ഡോ. പ്രകാശ് കട്ടിമണി, അനസ്തേഷ്യ വിദഗ്ധരായ ഡോ. അര്‍ചന, ഡോ. രൂപാല്‍ ഹുലകുണ്ടെ എന്നിവരുടെ നേതൃത്വത്തിലാണ് ശസ്ത്രക്രിയ വിജയകരമായി പൂര്‍ത്തിയാക്കിയത്. അഞ്ച് രൂപയുടെ 56 നാണയങ്ങളും രണ്ട് രൂപയുടെ 51 നാണയങ്ങളും ഒരു രൂപയുടെ 80 നാണയതുട്ടുകളുമാണ് ധ്യാമപ്പ വിഴുങ്ങിയതെന്ന് ഡോക്ടര്‍മാര്‍ പറഞ്ഞു.
Keywords: News, National, hospital, Health, Doctor, Patient, 187 Coins Removed From Body Of Karnataka Man Suffering Psychiatric Disorder.
