കൽപ്പറ്റ: (KVARTHA) വയനാട് മുണ്ടക്കൈ, ചുരൽമൈൽ എന്നിവിടങ്ങളിലെ ഉരുൾപൊട്ടൽ ദുരിതബാധിതർക്ക് സർക്കാർ നൽകുന്ന വാടക കുടിശ്ശികയായി. ഈ മാസം ആറിന് ലഭിക്കേണ്ടിയിരുന്ന വാടക പതിനൊന്നായിട്ടും കിട്ടാത്തത് വാടക വീടുകളിൽ കഴിയുന്ന 547 കുടുംബങ്ങളെ പ്രതിസന്ധിയിലാക്കിയിരിക്കുകയാണ്.

547 കുടുംബങ്ങളുടെ വാടകയാണ് നിലവിൽ മുടങ്ങിയിരിക്കുന്നത്. വാടക നൽകുന്ന മുഖ്യമന്ത്രിയുടെ ദുരിതാശ്വാസ നിധി (സിഎംഡിആർഎഫ്) അക്കൗണ്ടിൽ ഇനി ശേഷിക്കുന്നത് വെറും എട്ട് ലക്ഷം രൂപ മാത്രമാണ്. വാടക നൽകാൻ ആവശ്യമായ പണം ലഭ്യമാക്കണമെന്ന് കഴിഞ്ഞ 16-ന് അധികൃതർ സർക്കാരിനോട് ആവശ്യപ്പെട്ടിരുന്നുവെങ്കിലും ഇതുവരെ നടപടിയുണ്ടായിട്ടില്ല.

ഇതിനിടെ, ദുരിതബാധിതർക്കായി നിർമ്മിക്കുന്ന ടൗൺഷിപ്പിലെ ഗുണഭോക്താക്കളുടെ അന്തിമ പട്ടിക ഇനിയും പുറത്തിറങ്ങിയിട്ടില്ല. ജില്ലാ ഭരണകൂടം 452 പേരുടെ പട്ടികയാണ് ടൗൺഷിപ്പിലെ ഗുണഭോക്താക്കളായി ആദ്യം നൽകിയത്. എന്നാൽ, 402 പേരുടെ പട്ടികയ്ക്ക് പുറമെ 50 പേരെ കൂടി ഉൾപ്പെടുത്തണമെന്ന ശിപാർശ ജില്ലാ ഭരണകൂടം സർക്കാരിന് സമർപ്പിച്ചിട്ടുണ്ട്. ഡിഡിഎംഐ യോഗം ചേർന്ന് പുതുക്കിയ പട്ടിക സർക്കാർ അംഗീകാരത്തിനായി കൈമാറിയിട്ടുണ്ട്.

വയനാട്ടിലെ ദുരിതബാധിതരുടെ അവസ്ഥയില്‍ അധികാരികൾ എത്രയും പെട്ടെന്ന് നടപടി സ്വീകരിക്കുമെന്ന് പ്രതീക്ഷിക്കുന്നു. നിങ്ങളുടെ അഭിപ്രായങ്ങൾ കമന്‍റ് ബോക്സില്‍ രേഖപ്പെടുത്തുക.

Article Summary: The rent provided by the government to 547 landslide-affected families in Wayanad's Mundakkai and Churalmail has been delayed. Despite the due date being May 6th, the payment has not been made. The CMDRF account for rent disbursement has only ₹8 lakhs remaining. The final list of beneficiaries for the township is also yet to be released.

#WayanadLandslide, #RentArrears, #CMDRF, #KeralaDisaster, #GovernmentAid, #DisasterVictims