മൂന്നാറില്‍ 150 അടി താഴ്ചയിലേക്ക് വാഹനം മറിഞ്ഞ് അപകടം; ഗുരുവായൂര്‍ സ്വദേശി മരിച്ചു
Jan 27, 2022, 08:05 IST
ADVERTISEMENT
മൂന്നാര്‍: (www.kvartha.com 27.01.2022) മൂന്നാറില്‍ 150 അടി താഴ്ചയിലേക്ക് വാഹനം നിയന്ത്രണംവിട്ട് മറിഞ്ഞുണ്ടായ അപകടത്തില്‍ ഗുരുവായൂര്‍ സ്വദേശി മരിച്ചു. വിനോദ് ഖന്ന(47)യാണ് മരിച്ചത്. കൂടെയുണ്ടായിരുന്ന മൂന്നുപേര്‍ക്ക് പരിക്കേറ്റു. മൂന്നാറില്‍ നിന്നും സൂര്യനെല്ലിയിലേക്ക് പോകുന്ന വഴി ലോക്കാട് ഗ്യാപിന് സമീപം നിയന്ത്രണംവിട്ട ഇനോവ കാര്‍ 150 അടിയോളം താഴ്ചയുള്ള കൊക്കയിലേക്ക് മറിയുകയായിരുന്നു.
അഞ്ച് പേരടങ്ങുന്ന സംഘമാണ് കഴിഞ്ഞ ദിവസം രാത്രിയോടെ മൂന്നാര്‍ സന്ദര്‍ശനത്തിന് എത്തിയത്. മാട്ടുപ്പെട്ടി സന്ദര്‍ശിച്ച് സൂര്യനെല്ലിവഴി കൊളുക്കുമല സന്ദര്‍ശിക്കുന്നതിന് തിരിക്കുന്നതിനിടെ വാഹനം അപകടത്തില്‍പെടുകയായിരുന്നു. അപകടത്തില്‍ വിനോദ് ഖന്ന തല്‍ഷണം മരിച്ചു. പരിക്കേറ്റ മൂന്നു പേര്‍ മൂന്നാര്‍ ജനറല്‍ ആശുപത്രിയില്‍ ചികിത്സയിലാണ്.
Keywords: Munnar, News, Kerala, Accident, Death, Injured, Hospital, Vehicles, Vehicle overturned to depth of 150 feet in Munnar; Guruvayur native died.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
