ഇടുക്കി: (KVARTHA) വണ്ടിപ്പെരിയാർ ഗ്രാമ്പിയിലെ ജനവാസ മേഖലയിൽ ഭീതി പരത്തി ഇറങ്ങിയ കടുവയെ മയക്കുവെടിവെച്ച് പിടികൂടാനുള്ള ശ്രമങ്ങൾ ഊർജ്ജിതമായി തുടരുന്നു. മയക്കുവെടി ഉപയോഗിച്ച് കടുവയെ പിടികൂടി എത്രയും പെട്ടെന്ന് തേക്കടിയിലേക്ക് മാറ്റാനാണ് അധികൃതരുടെ ശ്രമം. കഴിഞ്ഞ ദിവസം മുതൽ വനംവകുപ്പിന്റെ സൂക്ഷ്മ നിരീക്ഷണത്തിലുണ്ടായിരുന്ന കടുവയെ ശനിയാഴ്ച വൈകുന്നേരം മുതൽ കാണാതായതാണ് അധികൃതരെ ആശങ്കയിലാഴ്ത്തുന്നത്. 

പോബ്‌സ് എസ്റ്റേറ്റിന്റെ 16-ാം നമ്പർ ഡിവിഷനിൽ സെൻ്റ് ആൻ്റണീസ് പള്ളിക്ക് സമീപം പരുന്തുംപാറ-വണ്ടിപ്പെരിയാർ റോഡിന് അടുത്തുള്ള ഏലത്തോട്ടത്തിലാണ് കടുവയെ ആദ്യം കണ്ടെത്തിയത്. വെള്ളിയാഴ്ച വൈകീട്ട് മൂന്നരയോടെയാണ് വനപാലകരുടെ സംഘം കടുവയെ ആദ്യമായി കണ്ടത്. നിരീക്ഷണത്തിൽ, കടുവയുടെ ഒരു കാലിന് സാരമായ പരിക്കേറ്റതായും അത് ഏറെ ക്ഷീണിതനായി കാണപ്പെട്ടതായും വനംവകുപ്പ് ഉദ്യോഗസ്ഥർ സ്ഥിരീകരിച്ചു. 

പരിക്കേറ്റ കടുവയെ എത്രയും പെട്ടെന്ന് പിടികൂടി തേക്കടിയിലെ വനം വന്യജീവി സംരക്ഷണ കേന്ദ്രത്തിൽ എത്തിച്ച് വിദഗ്ധ ചികിത്സ നൽകാനാണ് വനം വകുപ്പിന്റെ നിലവിലെ തീരുമാനം.  കടുവയുടെ സാന്നിധ്യം ജനങ്ങളുടെ സുരക്ഷയ്ക്ക് ഭീഷണിയായേക്കാവുന്ന സാഹചര്യത്തിൽ, അടിയന്തര നടപടിയെന്നോണം വണ്ടിപ്പെരിയാർ പഞ്ചായത്തിലെ 15-ാം വാർഡിൽ ജില്ലാ കലക്ടർ നിരോധനാജ്ഞ പുറപ്പെടുവിച്ചു. നിരോധനാജ്ഞ ഞായാറാഴ്ച വൈകുന്നേരം ആറ് മണി വരെ തുടരും.

ഈ വാർത്ത എല്ലാവരിലേക്കും എത്തിക്കുക. നിങ്ങളുടെ പ്രതികരണങ്ങളും അഭിപ്രായങ്ങളും രേഖപ്പെടുത്തുക.

Efforts continue to capture a tiger that entered a residential area in Vandiperiyar, Idukki. Authorities plan to tranquilize the tiger and relocate it to Thekkady for treatment.

#VandiperiyarTiger, #WildlifeRescue, #Idukki, #Thekkady, #ForestDepartment, #TigerCapture