Ship | വിഴിഞ്ഞം അന്താരാഷ്ട്ര തുറമുഖത്തിലേക്കുള്ള ആദ്യ കപ്പല് പുറംകടലിലെത്തി
Oct 11, 2023, 12:50 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (KVARTHA) വിഴിഞ്ഞം അന്താരാഷ്ട്ര തുറമുഖത്തിലേക്കുള്ള ആദ്യ കപ്പല് പ്രതീക്ഷിച്ചതിലും നേരത്തെ പുറംകടലിലെത്തി. ബുധനാഴ്ച (11.10.2023) രാവിലെയാണ് എത്തിയത്. വിഴിഞ്ഞം തുറമുഖത്ത് സ്വീകരണം ഒരുക്കിയിരിക്കുന്നത് ഒക്ടോബര് 15നാണ്. ഇക്കഴിഞ്ഞ ഒക്ടോബര് ആറിനാണ് ചൈനീസ് കപ്പലായ ഷെന് ഹുവാ-15 ഗുജറാതിലെ മുന്ദ്ര തുറമുഖത്തുനിന്ന് കേരള തീരത്തേക്കുള്ള യാത്ര ആരംഭിച്ചത്.
ഷാങ്ഹായ് തുറമുഖത്ത് നിന്ന് ഓഗസ്റ്റ് 31ന് യാത്ര തുടങ്ങി, 29ന് ഗുജറാതിലെ മുന്ദ്ര തുറമുഖത്തെത്തി. മുന്ദ്രയിലേക്കുള്ള ക്രെയ്നുകള് ഇറക്കുന്ന ജോലികള് കഴിഞ്ഞ ദിവസം പൂര്ത്തിയായതോടെയാണ് കപ്പല് വിഴിഞ്ഞത്തേക്കുള്ള യാത്ര ആരംഭിച്ചത്. ചൈനയില്നിന്നും ക്രെയിനുകളുമായാണ് ഷെന്ഹുവാ-15 എത്തുന്നത്. ഈ ചരക്ക് കപ്പലടക്കമുള്ളവയെ ബെര്തിലേക്ക് അടുപ്പിക്കുന്നതിനുള്ള ടഗ്ഗുകളും ദിവസങ്ങള്ക്ക് മുമ്പ് വിഴിഞ്ഞം അന്താരാഷ്ട്ര തുറമുഖത്ത് എത്തിയിരുന്നു.
അതേസമയം നിര്മാണം ആരംഭിച്ച് എട്ട് വര്ഷങ്ങള്ക്കിപ്പുറമാണ് കേരളത്തിന്റെ സ്വപ്ന പദ്ധതിയായ വിഴിഞ്ഞം അന്താരാഷ്ട്ര തുറമുഖം സജ്ജമാകുന്നത്. ദുഷ്ക്കരമായ കടമ്പകള് കടന്നാണ് പുലിമുട്ട് നിര്മാണമടക്കം തീര്ത്തത്. വിഴിഞ്ഞം ഭാഗത്തെ കടലിന്റെയും തീരത്തിന്റെയും അനന്ത സാധ്യതകള് തിരിച്ചറിഞ്ഞ് ഇവിടെയൊരു തുറമുഖം വേണമെന്ന ആഗ്രഹത്തിന് വര്ഷങ്ങളുടെ പഴക്കമുണ്ട്. ആ ആഗ്രഹമാണിപ്പോള് യാഥാര്ഥ്യമായിരിക്കുന്നത്.
Keywords: Vizhinjam, Ship, Reached, Offshore, News, Kerala, First ship to Vizhinjam reached offshore.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
