Dead Body Found | മുന് വാര്ഡ് കൗണ്സിലറുടെ മൃതദേഹം കത്തിക്കരിഞ്ഞ നിലയില് കണ്ടെത്തി
Jun 18, 2022, 17:45 IST
ADVERTISEMENT
തിരുവനന്തപുരം: (www.kvartha.com) മുന് വാര്ഡ് കൗണ്സിലറുടെ മൃതദേഹം ആളൊഴിഞ്ഞ പറമ്പില് കത്തിക്കരിഞ്ഞ നിലയില് കണ്ടെത്തി. തിരുവനന്തപുരം പേരൂര്ക്കട വഴയില സ്വദേശി അജയകുമാറിന്റെ (66) മൃതദേഹമാണ് കണ്ടെത്തിയത്. മൃതദേഹത്തിന് രണ്ട് ദിവസത്തിന് മുകളില് പഴക്കമുണ്ടെന്നാണ് പ്രാഥമിക നിഗമനം. മൃതദേഹം പൂര്ണമായിട്ടും കത്തിക്കരിഞ്ഞിട്ടില്ലെന്നും പൊലീസ് പറഞ്ഞു.
പൊലീസ് സ്ഥലത്തെത്തി പരിശോധന നടത്തി. കൊലപാതകമാണെന്നാണ് പ്രാഥമിക നിഗമനം. പൊലീസ് ഇന്ക്വസ്റ്റ് തയ്യാറാക്കി മൃതദേഹം പോസ്റ്റുമോര്ടത്തിനായി തിരുവനന്തപുരം മെഡിക്കല് കോളജിലേക്ക് മാറ്റി. സംഭവത്തില് അന്വേഷണം ആരംഭിച്ചു. മണ്ണാമൂല മുന് വാര്ഡ് കൗണ്സിലറായിരുന്നു അജയകുമാര്. മടത്തുവിളാകം, മണികണ്ഠേശ്വരം വാര്ഡുകളില് നിന്ന് കോണ്ഗ്രസ് സ്ഥാനാര്ത്ഥിയായി വിജയിച്ചിട്ടുണ്ട്.
Keywords: Thiruvananthapuram, News, Kerala, Found Dead, Police, Thiruvananthapuram: Dead body of Former ward councilor found.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
