Death | സ്കൂളിലേക്ക് പോകുന്ന വഴി തോട്ടിൽ വീണു വിദ്യാർത്ഥിനി മരിച്ചു
Jan 10, 2025, 21:39 IST
Photo: Arranged
ADVERTISEMENT
● വെള്ളിയാഴ്ച രാവിലെ 8.45 ഓടെയാണ് വെങ്ങര നടക്കു താഴെ റോഡിന് സമീപത്തെ തോട്ടിൽ വിദ്യാർത്ഥിനി വീണത്.
● വെങ്ങര നടക്കു താഴെ എൻ.വി. സുധീഷ് കുമാർ, സുജ ദമ്പതികളുടെ മകളാണ് ശ്രീനന്ദ.
കണ്ണൂർ: (KVARTHA) പഴയങ്ങാടിയിൽ സ്കൂളിൽ പോകുന്ന വഴി തോട്ടിൽ വീണു ഹയർ സെക്കൻഡറി വിദ്യാർത്ഥിനി ദാരുണമായി മരിച്ചു. മാടായി ഗവ. ഗേൾസ് ഹയർ സെക്കൻഡറി സ്കൂളിലെ വിദ്യാർത്ഥിനിയായ വെങ്ങരയിലെ എൻ.വി. ശ്രീനന്ദ (16) ആണ് മരണമടഞ്ഞത്.
വെള്ളിയാഴ്ച രാവിലെ 8.45 ഓടെയാണ് വെങ്ങര നടക്കു താഴെ റോഡിന് സമീപത്തെ തോട്ടിൽ വിദ്യാർത്ഥിനി വീണത്. സഹപാഠികൾ വിവരം നൽകിയതിനെ തുടർന്ന് നാട്ടുകാർ എത്തി കണ്ണൂർ മെഡിക്കൽ കോളേജ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
വെങ്ങര നടക്കു താഴെ എൻ.വി. സുധീഷ് കുമാർ, സുജ ദമ്പതികളുടെ മകളാണ് ശ്രീനന്ദ. സഹോദരൻ: വിശ്വജിത്ത്. ഈ ദുരന്തം സമൂഹത്തെ മുഴുവൻ നടുക്കി.
#StudentAccident, #Kannur, #SchoolNews, #Tragedy, #KeralaNews, #PondFall
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
