പി വി അൻവർ യു ഡി എഫിലേക്ക്? വാതിൽ അടച്ചിട്ടില്ലെന്ന് സണ്ണി ജോസഫ്

കണ്ണൂർ: (KVARTHA) നിലമ്പൂർ ഉപതിരഞ്ഞെടുപ്പിൽ സ്വതന്ത്ര സ്ഥാനാർത്ഥിയായിരുന്ന പി.വി. അൻവർ ഒരു പ്രധാന ഘടകമാണെന്ന് കെ.പി.സി.സി. അധ്യക്ഷൻ അഡ്വ. സണ്ണി ജോസഫ് പറഞ്ഞു. കണ്ണൂരിൽ മാധ്യമപ്രവർത്തകരുമായി സംസാരിക്കുകയായിരുന്നു അദ്ദേഹം. അൻവറിന് മുന്നിൽ അടഞ്ഞ വാതിലുകളില്ലെന്നും, അവ തുറക്കാൻ താക്കോൽ ഉപയോഗിച്ചാൽ മതിയെന്നും സണ്ണി ജോസഫ് വ്യക്തമാക്കി.

അൻവറിന്റെ യു.ഡി.എഫ്. പ്രവേശനം എല്ലാവരുമായി ചർച്ച ചെയ്ത് തീരുമാനിക്കേണ്ട വിഷയമാണെന്നും അദ്ദേഹം കൂട്ടിച്ചേർത്തു. നിലമ്പൂർ ഉപതിരഞ്ഞെടുപ്പിൽ അൻവർ ഫാക്ടർ യാഥാർത്ഥ്യമാണെന്നും, അത് തള്ളിക്കളയാനാകില്ലെന്നും സണ്ണി ജോസഫ് ഊന്നിപ്പറഞ്ഞു.

അൻവറിന്റെ മുന്നണി പ്രവേശനം തുടർന്നും ചർച്ചയാകുമെന്നും രാഷ്ട്രീയത്തിൽ അടഞ്ഞ വാതിലുകളില്ലെന്നും അദ്ദേഹം ആവർത്തിച്ചു. യു.ഡി.എഫ്. വോട്ട് അൻവറിന് ലഭിച്ചോ എന്ന് പരിശോധിക്കുമെന്നും സണ്ണി ജോസഫ് കണ്ണൂർ ഡി.സി.സി. ഓഫീസിൽ മാധ്യമങ്ങളോട് പ്രതികരിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ  പങ്കുവെക്കുക 
 

Article Summary (English): KPCC President Sunny Joseph open to PV Anvar joining UDF after Nilambur by-election.
 

#KeralaPolitics, #UDF, #PVAnvar, #NilamburByElection, #SunnyJoseph, #KPCC