Restriction | പുനലൂര്‍ തൂക്കുപാലത്തില്‍ സഞ്ചാരികള്‍ക്ക് നിയന്ത്രണം ഏര്‍പെടുത്തും
Oct 8, 2023, 13:48 IST
ADVERTISEMENT
പുനലൂര്‍: (KVARTHA) ചരിത്ര സംരക്ഷിത സ്മാരകമായ പുനലൂര്‍ തൂക്കുപാലത്തില്‍ സഞ്ചാരികള്‍ക്ക് നിയന്ത്രണം ഏര്‍പെടുത്തും. അവധി ദിവസങ്ങളിലും ഉത്സവ സീസണിലും വലിയ തിരക്ക് അനുഭവപ്പെടുന്നത് അപകടത്തിന് കാരണമാകുമെന്ന് കണ്ടാണ് നടപടി. പൊലീസ് പ്രതിനിധികളാണ് താലൂക് വികസനസമിതി യോഗത്തില്‍ ഇക്കാര്യം അറിയിച്ചത്. ഒരേസമയം പരമാവധി 150 പേര്‍ക്ക് മാത്രം പ്രവേശനം അനുവദിക്കാനാണ് നീക്കം.
കഴിഞ്ഞ ഓണക്കാലത്ത് വൈകുന്നേരങ്ങളില്‍ പാലത്തില്‍ വലിയ തിരക്ക് അനുഭവപ്പെട്ടിരുന്നു. ഒന്നര നൂറ്റാണ്ടോളം പഴക്കമുള്ള പാലത്തില്‍ ഒരേസമയം കൂടുതല്‍ ആളുകളെ കയറ്റുന്നത് അപകടത്തിനിടയാക്കും. അതുകൊണ്ടാണ് നിയന്ത്രണം ഏര്‍പെടുത്താന്‍ അധികൃതര്‍ തീരുമാനമെടുത്തത്.
അതേസമയം താലൂകാശുപത്രിയില്‍ ഓണ്‍ലൈന്‍ വഴി ഒപി ടികറ്റ് ബുകിങ് കാര്യക്ഷമമാക്കുമെന്ന് ആശുപത്രി പ്രതിനിധി അറിയിച്ചു. ജോബോയ് പെരേര അധ്യക്ഷത വഹിച്ചു. നഗരസഭ ചെയര്‍പേഴ്‌സണ്‍ ബി സുജാത, പഞ്ചായത് പ്രസിഡന്റുമാരായ ജി അജിത്, ആര്യലാല്‍ തഹസില്‍ദാര്‍ എം റഹീം, എംഎല്‍എയുടെ പ്രതിനിധി ബി അജയന്‍ എന്നിവര്‍ സംസാരിച്ചു.
Keywords: Punalur, Bridge, Restriction, Police, Tourists, Punalur: Tourists will be restricted on bridge.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
